സ്‌കൂള്‍ കുട്ടികളുടെ ഗണിതശാസ്ത്രത്തിലുള്ള കഴിവുകള്‍ പരിപോഷിപ്പിക്കുന്നതിന് എസ്.സി.ഇ.ആര്‍.ടി. നടപ്പിലാക്കുന്ന ന്യൂമാറ്റ്‌സ് (NuMATS)പദ്ധതിയിലേക്ക് സബ്ജില്ലാതലത്തില്‍ രജിസ്റ്റര്‍ ചെയ്യുന്നതിനുള്ള അവസാന തീയതി ഒക്ടോബര്‍ 31 വരെ നീട്ടി. സബ്ജില്ലാതല തെരഞ്ഞെടുപ്പ് നവംബര്‍ 15 നും സംസ്ഥാനതല പരീക്ഷ 2015 ജനുവരി 17 ശനിയാഴ്ചയും നടത്തും| Arakkulam sub district Sasthrolsavam results are available now in "School Mela Results" page
« »
ghsmuttomblog.. Search for GOs in related websites here..

EDUCATION NEWS

2015 മാര്‍ച്ച് മാസത്തില്‍ നടത്തുന്ന റ്റി.എച്ച്.എസ്.എല്‍.സി, റ്റി.എച്ച്.എസ്.എല്‍.സി. (ഹിയറിംഗ് ഇംപയേര്‍ഡ്), എസ്.എസ്.എല്‍.സി.(ഹിയറിംഗ് ഇംപയേര്‍ഡ്), പരീക്ഷകളുടെ വിജ്ഞാപനം പ്രസിദ്ധീകരിച്ചു. പരീക്ഷകള്‍ 2015 മാര്‍ച്ച് ഒന്‍പതിന് ആരംഭിക്കും. ഫീസ് പിഴ കൂടാതെ നവംബര്‍ നാല് മുതല്‍ 14 വരെയും, പിഴയോടെ നവംബര്‍ 15 മുതല്‍20വരെയുംബന്ധപ്പെട്ടപരീക്ഷാ കേന്ദ്രങ്ങളില്‍ സ്വീകരിക്കും.  
സംസ്ഥാനത്ത് പ്രവര്‍ത്തിച്ചുകൊണ്ടിരിക്കുന്ന 321 ഏകാധ്യാപക/ബദല്‍ വിദ്യാലയങ്ങളിലെ അധ്യാപകരുടെ പ്രതിമാസ വേതനം മൂവായിരം രൂപയില്‍ നിന്നും അയ്യായിരം രൂപയായി 2014 സെപ്തംബര്‍ മാസം മുതല്‍ വര്‍ദ്ധിപ്പിച്ച് ഉത്തരവ് പുറപ്പെടുവിച്ചു
ഐക്യരാഷ്ട്രദിനമായി ആചരിക്കുന്ന ഒക്ടോബര്‍ 24 ന് സര്‍ക്കാര്‍ മന്ദിരങ്ങളിലും കെട്ടിടങ്ങളിലും ദേശീയ പതാകയോടൊപ്പം യു.എന്‍ പതാകയുമുയര്‍ത്തേണ്ടതാണ്. യു.എന്‍ പതാകയുയര്‍ത്തുന്നത് ദേശീയ പതാകയുടെ ഏതെങ്കിലുമൊരുവശത്താകാമെന്ന് പൊതുഭരണ വകുപ്പ് നിര്‍ദ്ദേശിച്ചു. എങ്കിലും ഇന്ത്യന്‍ പതാകച്ചട്ടം-2002 അനുസരിച്ച് ഇത്തരം സന്ദര്‍ഭത്തില്‍ ദേശീയ പതാകയുടെ സ്ഥാനം വലത്തേയറ്റത്തായിരിക്കുമെന്നും വ്യക്തമാക്കിയിട്ടുണ്ട്. രാജ്ഭവന്‍, നിയമസഭാ മന്ദിരം, ഹൈക്കോടതി എന്നിവിടങ്ങളില്‍ യു.എന്‍ പതാകയുയര്‍ത്തേണ്ടതില്ലെന്നും പൊതുഭരണ വകുപ്പ് വ്യക്തമാക്കിയിട്ടുണ്ട്.
സംസ്ഥാനതല എന്‍.റ്റി.എസ്/ എന്‍.എം.എം.എസ് പരീക്ഷകള്‍ 157 കേന്ദ്രങ്ങളില്‍ നവംബര്‍ രണ്ടിന് നടക്കുമെന്ന് എസ്.സി.ഇ.അര്‍.ടി. ഡയറക്ടര്‍ അറിയിച്ചു.അപേക്ഷിച്ച എല്ലാ കുട്ടികളും എസ്.സി.ഇ.ആര്‍.ടി. വെബ്‌സൈറ്റില്‍ www.scert.kerala.gov.in)) നിന്ന് അഡ്മിഷന്‍ കാര്‍ഡുകള്‍ ഡൗണ്‍ലോഡ് ചെയ്യാം
കണ്ണൂരില്‍ നവംബര്‍ അഞ്ച്, ആറ്, ഏഴ് തീയതികളില്‍ നടത്താന്‍ തീരുമാനിച്ചിരുന്ന സംസ്ഥാന സ്‌പെഷ്യല്‍ സ്‌കൂള്‍ കലോത്സവം നവംബര്‍ ആറ്, ഏഴ്, എട്ട് തീയതികളില്‍ നടത്തുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു.
സ്റ്റേറ്റ് ഓപ്പണ്‍ സ്‌കൂള്‍ മുഖാന്തിരം 2014-16 ബാച്ചിലേക്ക് രജിസ്റ്റര്‍ ചെയ്ത ഒന്നാംവര്‍ഷ ഹയര്‍സെക്കന്‍ഡറി വിദ്യാര്‍ത്ഥികള്‍ക്ക് പാഠപുസ്തകങ്ങള്‍ക്കായി ഒക്ടോബര്‍ 20 വരെ രജിസ്‌ട്രേഷന്‍ നടത്താം. ഓപ്പണ്‍ സ്‌കൂള്‍ വെബ്‌സൈറ്റില്‍ www.ksosonline.in) അവരവരുടെ യൂസര്‍ നെയിം, പാസ്‌വേഡ് ഉപയോഗിച്ച് ലോഗിന്‍ ചെയ്ത് ഓണ്‍ലൈനായി രജിസ്റ്റര്‍ ചെയ്യണം. പാഠപുസ്തകത്തിന്റെ വില ഓപ്പണ്‍ സ്‌കൂള്‍ പാഠപുസ്തക ചെലാനിലോ ഡി.ഡി. ആയോ ഒടുക്കാം. രജിസ്‌ട്രേഷന്‍ പ്രിന്റൗട്ട്, ചെല്ലാന്‍/ഡി.ഡി. സഹിതം ഒക്ടോബര്‍ 21 വൈകിട്ട് അഞ്ച് മണിക്ക് മുമ്പായി അതത് ഓപ്പണ്‍ സ്‌കൂള്‍ ജില്ലാ കേന്ദ്രങ്ങളില്‍ എത്തിക്കണമെന്ന് സ്റ്റേറ്റ് കോഡിനേറ്റര്‍ അറിയിച്ചു   
വൊക്കേഷണല്‍ ഹയര്‍ സെക്കന്‍ഡറി വിദ്യാഭ്യാസ വകുപ്പ് ഒന്നാംവര്‍ഷ ഇംപ്രൂവ്‌മെന്റ് പരീക്ഷയുടെസ്‌കോറുകള്‍പ്രസിദ്ധീകരിച്ചു.www.results.kerala.nic.in/www.vhsexaminationkerala.gov.inവെബ്‌സൈറ്റുകളില്‍ സ്‌കോറുകള്‍ ലഭിക്കും. ഉത്തരക്കടലാസുകളുടെ പുനര്‍മൂല്യനിര്‍ണയവും സൂക്ഷ്മപരിശോധനയും നടത്തുന്നതിനുള്ള അപേക്ഷ ഒക്ടോബര്‍ 30 വരെ സംസ്ഥാനത്തെ ഏതെങ്കിലും ട്രഷറിയില്‍ നിശ്ചിത ഫീസൊടുക്കി അസല്‍ ചെലാന്‍, വെബ്‌സൈറ്റില്‍ നിന്നും ലഭിക്കുന്ന സ്‌കോര്‍ ഷീറ്റ് എന്നിവ സഹിതം, സെക്രട്ടറി, വൊക്കേഷണല്‍ ഹയര്‍ സെക്കന്‍ഡറി പരീക്ഷാ വിഭാഗം, ഹൗസിംഗ് ബോര്‍ഡ് ബില്‍ഡിംഗ്, ശാന്തിനഗര്‍, തിരുവനന്തപുരം-01 മേല്‍വിലാസത്തില്‍ രജിസ്റ്റര്‍ ചെയ്ത് അയ്ക്കാം
The Department of Science & Technology has selected 1128 students from Kerala (First spell ) for the INSPIRE Scholarship for the year 2014-15. It was also requested to complete the remaining nomination within one month.The Dept. of Science & Technology has informed that the nominations received after that period will not be entertained. All DDEs are directed to complete the nomination process immediately.The students selected from your district shall be directed to prepare their projects well in advance in consultation with their Science/ Maths teachers -Inspire Award-2014-15 Sanction Order
മാതാപിതാക്കള്‍ മരണമടഞ്ഞ നിര്‍ധനരായ കുടുംബങ്ങളിലെ സര്‍ക്കാര്‍/എയ്ഡഡ് വിദ്യാഭ്യാസ സ്ഥാപനങ്ങളില്‍ പഠിക്കുന്ന വിദ്യാര്‍ത്ഥികള്‍ക്കായി സാമൂഹ്യ സുരക്ഷാ മിഷന്‍ മുഖേന നടപ്പിലാക്കുന്ന പ്രതിമാസ ധനസഹായ പദ്ധതിയായ സ്‌നേഹപൂര്‍വ്വത്തിന്റെ അപേക്ഷകള്‍ ഈ വര്‍ഷം മുതല്‍ പഠിക്കുന്ന വിദ്യാഭ്യാസ സ്ഥാപനം മുഖേന ഓണ്‍ലൈനായി നല്‍കണം. നിലവിലുള്ള ഗുണഭോക്താക്കളും പുതിയ അപേക്ഷകരും മുന്‍വര്‍ഷങ്ങളിലേതുപോലെ സാമൂഹ്യസുരക്ഷാ മിഷനിലേക്ക് അപേക്ഷകള്‍ സമര്‍പ്പിക്കേണ്ടതില്ലെന്ന് എക്‌സിക്യുട്ടീവ് ഡയറക്ടര്‍ അറിയിച്ചു
ഒന്‍പതാം ക്ലാസ്സിലെ കൂട്ടത്തോല്‍വി ഒഴിവാക്കാന്‍ പഠനത്തില്‍ പിന്നാക്കം നില്‍ക്കുന്ന കുട്ടികള്‍ക്ക് ഡിസംബര്‍ ഒന്നുമുതല്‍ പ്രത്യേക ശിക്ഷണപരിപാടികള്‍ എല്ലാ വിദ്യാലയങ്ങളിലും നടപ്പാക്കാന്‍ പൊതുവിദ്യാഭ്യാസ സെക്രട്ടറി, ഡയറക്റ്റര്‍ എന്നിവര്‍ക്ക് സംസ്ഥാന ബാലാവകാശ സംരക്ഷണ കമ്മീഷന്‍ നിര്‍ദ്ദേശം നല്‍കി. പഠനനിലവാരം മെച്ചപ്പെടുത്തുന്നതിന് വിവിധതലങ്ങളിലുളള നിരീക്ഷണ സംവിധാനങ്ങള്‍ ശക്തിപ്പെടുത്തണമെന്നും നിര്‍ദ്ദേശിച്ചിട്ടുണ്ട്. മലപ്പുറം ജില്ലയിലെ ഒരു സ്‌കൂളില്‍ വാര്‍ഷികപരീക്ഷയില്‍ രണ്ടാംവട്ടവും തോറ്റതില്‍ മനംനൊന്ത് വിദ്യാര്‍ഥിനി ആത്മഹത്യ ചെയ്ത സംഭവത്തെത്തുടര്‍ന്ന് കമ്മീഷന്‍ സ്വമേധയാ കൈക്കൊണ്ട നടപടി തീര്‍പ്പാക്കിക്കൊണ്ടാണ് കമ്മീഷന്റെ ഉത്തരവ്. കുട്ടികളുടെ ഇടയില്‍ മാനസികസംഘര്‍ഷം മൂലമുളള ആത്മഹത്യ ഒഴിവാക്കുന്നതിന് എല്ലാ സ്‌കൂളുകളിലും ഡിസംബര്‍ മുതല്‍ കൗണ്‍സലിങ് സംവിധാനം ഏര്‍പ്പെടുത്താനും കമ്മീഷന്‍ നിര്‍ദ്ദേശിച്ചു. കുട്ടികള്‍ക്ക് വ്യക്തിപരമായ ശ്രദ്ധ ലഭിക്കുന്നതിന് വിദ്യാര്‍ഥി - അധ്യാപക അനുപാതം പരമാവധി എല്‍.പി ക്ലാസ്സുകളില്‍ 1:30 ഉം അഞ്ചുമുതല്‍ എട്ടുവരെ ക്ലാസ്സുകളില്‍ 1:35 ഉം 9, 10 ക്ലാസ്സുകളില്‍ 1:40 ഉം ആയി നിജപ്പെടുത്താന്‍ ദീര്‍ഘകാലാടിസ്ഥാനത്തില്‍ നടപടി സ്വീകരിക്കാനും കമ്മീഷന്‍ ആവശ്യപ്പെട്ടിട്ടുണ്ട് 
പ്രീമെട്രിക് സ്‌കേളര്‍ഷിപ്പിനുള്ള അര്‍ഹതാ മാനദണ്ഡങ്ങളില്‍ പുനര്‍ ഭേദഗതി വരുത്തി സര്‍ക്കാര്‍ ഉത്തരവായി. കേന്ദ്ര സര്‍ക്കാര്‍ നിശ്ചയിച്ചിട്ടുള്ള മാനദണ്ഡങ്ങള്‍ പ്രകാരം ഒരു വിദ്യാര്‍ത്ഥിക്ക് ഒന്നില്‍ കൂടുതല്‍ സ്‌കോളര്‍ഷിപ്പുകള്‍ ലഭിക്കാന്‍ അര്‍ഹതയില്ലാത്തതിനാല്‍ പ്രീ മെട്രിക് സ്‌കോളര്‍ഷിപ്പിന് അപേക്ഷിക്കുന്ന പിന്നാക്ക വിഭാഗക്കാരായ ന്യൂനപക്ഷ വിദ്യാര്‍ത്ഥികളും ഒ.ഇ.സി വിദ്യാര്‍ത്ഥികളും മറ്റ് വകുപ്പുകളില്‍ നിന്ന് അനുവദിക്കുന്ന സ്‌കോളര്‍ഷിപ്പ് വാങ്ങുന്നില്ലെന്ന് സത്യവാങ്മൂലം നല്‍കേണ്ടതും, ബന്ധപ്പെട്ട വിദ്യാഭ്യാസ സ്ഥാപനമേധാവിയും പിന്നാക്ക, വിഭാഗവികസന വകുപ്പും അക്കാര്യം ഉറപ്പുവരുത്തേണ്ടതാണെന്നുമാണ് ഭേദഗതി വരുത്തിയിട്ടുള്ളത്- OBC Prematric Circular - Application form - Apply Online
കേരളത്തെ സമ്പൂര്‍ണ്ണ ബാങ്ക് അക്കൗണ്ട് ഉള്ള സംസ്ഥാനമായി മാറ്റുന്നതിനായി നടപടികള്‍ ആരംഭിച്ചു. ഈ സാഹചര്യത്തില്‍ സംസ്ഥാനത്ത് നിലവില്‍ ഒരു ബാങ്കിലും അക്കൗണ്ട് ഇല്ലാത്ത കുടുംബങ്ങള്‍ ഈ മാസം തന്നെ അടുത്തുള്ള ബാങ്ക് ശാഖകളിലോ അല്ലെങ്കില്‍ അക്ഷയ ബാങ്കിങ് കിയോസ്‌കുകളുമായോ ബന്ധപ്പെട്ട് അക്കൗണ്ട് ആരംഭിക്കണം. ഈ അക്കൗണ്ടുകളില്‍ റുപ്പയാ കാര്‍ഡും അതിനോട് അനുബന്ധിച്ചുള്ള മറ്റു സേവനങ്ങളും ലഭ്യമാക്കും. ആധാര്‍ നമ്പര്‍ ഇല്ലാത്തവര്‍ അടുത്തുള്ള അക്ഷയാ കേന്ദ്രവുമായി ബന്ധപ്പെടണം. ഈ മാസം 18നും 25നും അക്കൗണ്ട് തുടങ്ങുന്നതിനും ആധാര്‍ നമ്പര്‍ എടുക്കുന്നതിനും വേണ്ടിയുള്ള ക്യാമ്പുകള്‍ സംസ്ഥാനത്തെ വിവിധ കേന്ദ്രങ്ങളില്‍ സംഘടിപ്പിക്കും. ഇതിനെക്കുറിച്ചുള്ള സംശയങ്ങള്‍ തീര്‍ക്കുന്നതിനായി സംസ്ഥാനതല ബാങ്കേഴ്‌സ് സമിതിയുടെ ടോള്‍ഫ്രീ നമ്പറായ 1800 425 11222 ല്‍ ബന്ധപ്പെടണം. ഈ സേവനം 24 മണിക്കൂറും ലഭ്യമാണ് 
ശാസ്ത്രോത്സവം വെബ്സൈറ്റ് സ്കൂള്‍ ലോഗിനില്‍ മുകളില്‍ കാണുന്ന Registration മെനു പ്രവര്‍ത്തിക്കില്ല. ലോഗിന്‍ പേജില്‍ കാണുന്ന സ്കൂള്‍ നെയിമില്‍ ക്ലിക്ക് ചെയ്യുമ്പോള്‍ കാണുന്ന School Entry പേജിന്റെ ചുവടെയായി എല്ലാ മേളകളുടെയും Registration  ചെയ്യാനുള്ള ലിങ്കുകള്‍ ലഭ്യമാണ്
ഭക്ഷ്യ സുരക്ഷാ കമ്മീഷണറേറ്റ് സംസ്ഥാനതലത്തില്‍ ഒമ്പത്, 10, 11 ക്ലാസുകളിലെ വിദ്യാര്‍ത്ഥികളക്കായി ലോക ഭക്ഷ്യദിനമായ ഒക്ടോബര്‍ 16 ന് രാവിലെ 10 മണിക്ക് ഭക്ഷ്യ സുരക്ഷാ ക്വിസ് സംഘടിപ്പിക്കും. തിരുവനന്തപുരം, കൊല്ലം, ആലപ്പുഴ, പത്തനംതിട്ട ജില്ലകളിലെ വിദ്യാര്‍ത്ഥികളെ ഉള്‍പ്പെടുത്തി തിരുവനന്തപുരം മേഖലാ മല്‍സരം എസ്.എം.വി. ഹൈസ്‌കൂളിലും എറണാകുളം, കോട്ടയം, ഇടുക്കി, തൃശൂര്‍ എന്നീ ജില്ലകളിലെ വിദ്യാര്‍ത്ഥികളെ ഉള്‍പ്പെടുത്തി എറണാകുളം മേഖലാ മല്‍സരം തൃപ്പൂണിത്തുറ ഈസ്റ്റ് ഫോര്‍ട്ട് ഗേറ്റിലെ സര്‍ക്കാര്‍ ബോയ്‌സ് ഹയര്‍സെക്കന്‍ഡറി സ്‌കൂളിലും നടത്തും. കോഴിക്കോട്, പാലക്കാട്, മലപ്പുറം, കണ്ണൂര്‍, വയനാട്, കാസര്‍ഗോഡ് എന്നീ ജില്ലകളെ ഉള്‍പ്പെടുത്തിയുള്ള കോഴിക്കോട് മേഖല മല്‍സരം ചാലപ്പുറം അച്യുതന്‍ ഗേള്‍സ് ഹൈസ്‌കൂളില്‍ നടത്തും. രണ്ടുപേര്‍ അടങ്ങുന്ന ടീമുകളായി കുട്ടികള്‍ക്ക് പങ്കെടുക്കാം. രജിസ്‌ട്രേഷന്‍ ഫീസ് ഇല്ല. ഒന്നാം സ്ഥാനക്കാര്‍ക്ക് 5000 രൂപയും രണ്ടാം സ്ഥാനക്കാര്‍ക്ക് 3000 രൂപയും മൂന്നാം സ്ഥാനക്കാര്‍ക്ക് 2000 രൂപയും മറ്റു ഫൈനലിസ്റ്റുകള്‍ക്ക് 500 രൂപ വീതവും സമ്മാനമായി ലഭിക്കും. രജിസ്‌ട്രേഷനും കൂടുതല്‍ വിവരങ്ങള്‍ക്കും ഫോണ്‍ : 9895316264, 9567285281, ഇ-മെയില്‍ :quizkerala@gmail.com 
സര്‍ക്കാര്‍, എയിഡഡ് മേഖലകളിലെ പ്രൈമറി തലത്തില്‍ ഒന്നുമുതല്‍ നാലുവരെ പഠിക്കുന്ന പട്ടികജാതി വിഭാഗം വിദ്യാര്‍ത്ഥികള്‍ക്ക് ബാഗ്, കുട, ഷൂസ് എന്നിവ വാങ്ങുന്നതിന് 2000 രൂപ ക്രമത്തില്‍ വിതരണം ചെയ്യുന്ന നൂതന പദ്ധതിയുടെ സംസ്ഥാനതല ഉദ്ഘാടനം ഒക്ടോബര്‍ 28-ന് തിരുവനന്തപുരത്ത് സംഘടിപ്പിക്കുമെന്ന് പട്ടികജാതി പിന്നാക്കക്ഷേമ ടൂറിസം മന്ത്രി എ.പി.അനില്‍കുമാര്‍ അറിയിച്ചു. സര്‍ക്കാരിന്റെ മിഷന്‍ 676 ന്റെ ഭാഗമായി പ്രഖ്യാപിച്ച ഈ പുതിയ പദ്ധതിയിലൂടെ സംസ്ഥാനത്തെ 1,85,000 വിദ്യാര്‍ത്ഥികള്‍ക്ക് ആനുകൂല്യം ലഭിക്കും. ഇതിലേക്കായി 37 കോടി രൂപ അനുവദിച്ചിട്ടുണ്ടെന്നും മന്ത്രി അറിയിച്ചു. പാവപ്പെട്ട പട്ടികജാതി കുടുംബങ്ങളിലെ വിദ്യാര്‍ത്ഥികള്‍ക്ക് പ്രാഥമിക വിദ്യാഭ്യാസത്തിന്റെ അടിസ്ഥാന ആവശ്യങ്ങള്‍ നിറവേറ്റാന്‍ കഴിയാത്ത സാഹചര്യം നിലനില്ക്കുന്നതായി മനസ്സിലാക്കിയതിന്റെ അടിസ്ഥാനത്തിലാണ് പദ്ധതിക്ക് തുടക്കം കുറിക്കുന്നത്. പദ്ധതി പ്രകാരം ഏറ്റവും കൂടുതല്‍ വിദ്യാര്‍ത്ഥികള്‍ക്ക് ആനുകൂല്യം ലഭ്യമാക്കുന്ന ജില്ല പാലക്കാട് ആണ് -24586 പേര്‍. ഏറ്റവും കുറവ് വയനാട് - 1983. മറ്റു ജില്ലകളില്‍ അര്‍ഹരായവരുടെ എണ്ണം ഇപ്രകാരമാണ്. തിരുവനന്തപുരം - 22700, കൊല്ലം - 19980, തൃശ്ശൂര്‍ - 19740, മലപ്പുറം - 18760, എറണാകുളം - 16336, ആലപ്പുഴ - 12250, കോഴിക്കോട് - 12120, പത്തനംതിട്ട - 10008, കോട്ടയം - 9365, ഇടുക്കി - 8862, കണ്ണൂര്‍ - 5070, കാസര്‍ഗോഡ് - 3240
ബി.പി.എല്‍ വിഭാഗക്കാരുടെ വിദ്യാഭ്യാസ വായ്പകളുടെ പലിശ സബ്‌സിഡി പൂര്‍ണമായി നല്‍കിക്കഴിഞ്ഞിട്ടില്ലാത്ത സാഹചര്യത്തില്‍ വിദ്യാഭ്യാസ വായ്പകളിന്മേലുള്ള റവന്യൂറിക്കവറി നടപടികള്‍ക്ക് ഏര്‍പ്പെടുത്തിയിരുന്ന മോറട്ടോറിയം ഒക്ടോബര്‍ 10 മുതല്‍ ആറ് മാസത്തേയ്ക്ക് കൂടി ദീര്‍ഘിപ്പിച്ച് ഉത്തരവായി. മോറട്ടോറിയത്തിന്റെ ആനുകൂല്യം ലഭിക്കണമെങ്കില്‍ ബി.പി.എല്‍ വിഭാഗത്തില്‍പ്പെടുന്നു എന്ന് തെളിയിക്കാനാവശ്യമായ രേഖ അധികാരികള്‍ക്ക് സമര്‍പ്പിക്കണം
സര്‍ക്കാര്‍, എയ്ഡഡ് കോളേജുകളിലെ അധ്യാപകരുടെ സ്വകാര്യ ട്യൂഷന്‍ നിരോധിച്ച് സര്‍ക്കാര്‍ ഉത്തരവായി. സര്‍ക്കാറിന്റെ നിയന്ത്രണത്തിലുള്ള പ്രൊഫഷണല്‍ കോളേജുകള്‍ക്കും ഇത് ബാധകമാണ്
2015 മാര്‍ച്ചില്‍ നടക്കുന്ന ഒന്നും രണ്ടും വര്‍ഷ ഹയര്‍സെക്കന്‍ഡറി പരീക്ഷകളുടെ വിജ്ഞാപനം പുറപ്പെടുവിച്ചു. മാര്‍ച്ച് ഒന്‍പതാം തീയതി ആരംഭിച്ച് 30-ന് അവസാനിക്കത്തക്കവിധമാണ് പരീക്ഷകള്‍ ക്രമീകരിച്ചിട്ടുള്ളത്. രണ്ടാം വര്‍ഷ പരീക്ഷയ്ക്ക് അപേക്ഷിക്കുന്നതിന് പിഴ കൂടാതെ ഫീസടയ്ക്കുന്നതിനുള്ള അവസാന തീയതി ഒക്ടോബര്‍ 31. ഒന്നാം വര്‍ഷ പരീക്ഷയ്ക്ക് അപേക്ഷിക്കുന്നതിന് പിഴകൂടാതെ ഫീസടയ്ക്കുന്നതിനുള്ള അവസാന തീയതി നവംബര്‍ അഞ്ച്. അപേക്ഷാ ഫോറം ഹയര്‍സെക്കന്‍ഡറി പോര്‍ട്ടലിലും, ഹയര്‍ സെക്കന്‍ഡറി സ്‌കൂളുകളിലും ലഭിക്കും. ഓപ്പണ്‍ സ്‌കൂള്‍ വിദ്യാര്‍ത്ഥികള്‍ അവര്‍ക്കുനുവദിച്ചിട്ടുള്ള പരീക്ഷാകേന്ദ്രങ്ങളിലും, കംപാര്‍ട്ട്‌മെന്റ് വിദ്യാര്‍ത്ഥികള്‍ അവര്‍ മുന്‍പ് പരീക്ഷയെഴുതിയ പരീക്ഷാകേന്ദ്രങ്ങളിലുമാണ് അപേക്ഷ സമര്‍പ്പിക്കേണ്ടത്. അപേക്ഷകള്‍ ഡയറക്ടറേറ്റില്‍ നേരിട്ട് സ്വീകരിക്കില്ല. രണ്ടാംവര്‍ഷ പരീക്ഷയെഴുതുന്ന മുഴുവന്‍ വിദ്യാര്‍ത്ഥികള്‍ക്കും ഉപരിപഠനത്തിന് യോഗ്യരാകുന്ന മുറയ്ക്ക് പരീക്ഷാ സര്‍ട്ടിഫിക്കറ്റിനൊപ്പം മൈഗ്രേഷന്‍ സര്‍ട്ടിഫിക്കറ്റും നല്‍കും. ഇതിന് പ്രത്യേകം അപേക്ഷ നല്‍കേണ്ടതില്ല. ടൈംടേബിളിനും വിശദാംശങ്ങള്‍ക്കുംwww.dhsekerala.gov.in, www.prd.kerala.gov.in പോര്‍ട്ടലുകള്‍ സന്ദര്‍ശിക്കാം
Numats registration date has been extended from September 30 to October 11 - Please note that General category should include all students including SC, ST etc. First make the selection in the general category. Then only selection for other reservation categories are being done. If any reserved category ( say SC) student come under general category, note their class in brackets ( SC) in the general category list so that they should also be considered in the other category(SC) in the next level. |  NuMats Exam for Sixth Std Students 2014-15 - Circular Cir.No.F5/1879/2014/SCERT Dt.17/09/2014  
സ്കൂളുകള്‍ക്ക് Iron-folic tablets കളുടെ വിതരണം സംബന്ധിച്ചുള്ള വിവരങ്ങള്‍ 2014 ഒക്ടോബര്‍ മുതല്‍ ഓണ്‍ലൈനായി ചെയ്തു തുടങ്ങേണ്ടതാണ്. തുടര്‍ന്ന് എല്ലാ മാസവും അവസാനം സംസ്ഥാനതലത്തില്‍ തന്നെ ഇതിന്റെ കണ്‍സോളിഡേഷന്‍ നടത്തി റിപ്പോര്‍ട്ട് കണ്‍സോളിഡേറ്റ് ചെയ്ത് വിദ്യാഭ്യാസ ഡയറക്ടറേറ്റില്‍ അവലോകനം ചെയ്യുന്നതാണ്.
WIFS - Iron Folic Acid Tablet Distribution - Data entry in online portal  |   presentation in PDF
ഗാന്ധിജയന്തി വാരാഘോഷത്തോടനുബന്ധിച്ച് സംസ്ഥാനത്തെ സ്‌കൂള്‍ വിദ്യാര്‍ത്ഥികള്‍ക്കായി ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പും വിക്ടേഴ്‌സ് ചാനലും സംയുക്തമായി ഓണ്‍ലൈന്‍ തത്സമയ പ്രശ്‌നോത്തരി സംഘടിപ്പിക്കുന്നു. മഹാത്മാഗാന്ധിയുടെ ജീവിതവും ദര്‍ശനങ്ങളും നവ മാധ്യമങ്ങളിലൂടെ കുട്ടികള്‍ക്ക് പകര്‍ന്നു നല്‍കുകയാണ് പരിപാടിയിലൂടെ ലക്ഷ്യമിടുന്നതെന്ന് ഇന്‍ഫര്‍മേഷന്‍-പബ്ലിക് റിലേഷന്‍സ് ഡയറക്ടര്‍ മിനി ആന്റണി അറിയിച്ചു. ഇതിനായി പ്രത്യേകം തയ്യാറാക്കുന്ന വെബ്‌സൈറ്റ് ഗാന്ധിജയന്തി ദിനത്തില്‍ ഉദ്ഘാടനം ചെയ്യും. 100 ചോദ്യങ്ങള്‍ പ്രശ്‌നോത്തരിയിലുണ്ടാകും. ആദ്യ റൗണ്ടിലെ വിജയികളെ ഫൈനല്‍ റൗണ്ടിലേക്ക് ക്ഷണിക്കും. ഒന്നാം സമ്മാനമായി 5,000 രൂപ നല്‍കും. രണ്ടും മൂന്നും സമ്മാനമായി യഥാക്രമം 3,000 രൂപയും 2,000 രൂപയും നല്‍കും. പ്രശ്‌നോത്തരി വിക്ടേഴ്‌സ് ചാനലില്‍ സംപ്രേഷണം ചെയ്യും
സര്‍ക്കാര്‍/എയ്ഡഡ്/സ്വാശ്രയ കോളേജുകളിലേക്ക് ബി.എഡ് പ്രവേശനത്തിന് ഒക്ടോബര്‍ 17 വരെ അപേക്ഷിക്കാം. വെബ്‌സൈറ്റ് :www.lbscentre.inഫോണ്‍ : 0471-2560361
മാതാപിതാക്കള്‍ മരണമടഞ്ഞ നിര്‍ധനരായ കുടുംബങ്ങളിലെ സര്‍ക്കാര്‍ / എയ്ഡഡ് വിദ്യാഭ്യാസ സ്ഥാപനങ്ങളില്‍ പഠിക്കുന്ന വിദ്യാര്‍ത്ഥികള്‍ക്കായി സാമൂഹ്യ സുരക്ഷാ മിഷന്‍ മുഖേന നടപ്പിലാക്കുന്ന പ്രതിമാസ ധനസഹായ പദ്ധതിയായ സ്‌നേഹപൂര്‍വ്വത്തിന്റെ അപേക്ഷകള്‍ ഈ വര്‍ഷം മുതല്‍, പഠിക്കുന്ന വിദ്യാഭ്യാസ സ്ഥാപനം മുഖേന ഓണ്‍ലൈനായി നല്‍കണം. ഇതിനായുളള സോഫ്റ്റ്‌വെയര്‍ വികസിപ്പിച്ചെടുക്കുന്നമുറയ്ക്ക് ഓണ്‍ലൈന്‍ അപേക്ഷക്കുളള പ്രത്യേക അറിയിപ്പ് നല്‍കും. അന്നുവരെ ഈ പദ്ധതിയിലേക്ക് അപേക്ഷകള്‍ സമര്‍പ്പിക്കേണ്ടതില്ലെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു
സംസ്ഥാനത്തെ എല്ലാ ഗവണ്മെന്റ് /എയ്ഡഡ് (HS/HSS/VHSE) സ്കൂളുകളിലെ ICT ഉപകരണങ്ങളുടെ നിലവിലുള്ള അവസ്ഥ മനസ്സിലാക്കുന്നതിനുവേ​ണ്ടി ഐ.റ്റി @ സ്കൂളിന്റെ നേത്യത്തില്‍ സ്കൂളുകളില്‍ നിന്നും ഓണ്‍ലൈന്‍ ഡേറ്റാ എന്ട്രിയിലൂടെ വിവരങ്ങള്‍ ശേഖരിക്കുന്നു. ആയതിനാല്‍ ICT സ്കീമില്‍ ഉള്‍പ്പെട്ടിട്ടുള്ള എല്ലാ സ്കൂളുകളും http://www.itschool.gov.in എന്ന സൈറ്റിലെ ICT Infra Structure Facilites എന്ന ലിങ്കില്‍ പ്രവേശിച്ച് എത്രയും വേഗം ഡേറ്റ എന്ട്രി നടത്തണമെന്ന് അറിയിക്കുന്നു 
സംസ്ഥാന സ്കൂള്‍ കായികമേള നവംബര്‍ 20 മുതല്‍ 23 വരെ തിരുവനന്തപുരത്തു നടക്കും. സംസ്ഥാന സ്കൂള്‍ കലോല്‍സവം അടുത്ത ജനുവരി 15 മുതല്‍ 21 വരെകൊച്ചിയിലാണ്.  സ്പെഷല്‍ സ്കൂള്‍ കലോല്‍സവം നവംബര്‍ അഞ്ചു മുതല്‍ ഏഴു വരെ കണ്ണൂരില്‍ നടക്കും. സംസ്ഥാന സ്കൂള്‍ ശാസ്ത്രമേള നവംബര്‍ 26 മുതല്‍ 30 വരെ മലപ്പുറത്തും, ദക്ഷിണേന്ത്യാ ശാസ്ത്രമേള ജനുവരി അഞ്ചു മുതല്‍ 10 വരെ തൃശൂരിലുമാണ്. 
ജില്ല/ ജില്ലാന്തര സ്‌കൂള്‍/ കോമ്പിനേഷന്‍ ട്രാന്‍സ്ഫറിന് അപേക്ഷിക്കുവാനുള്ള സമയപരിധി സെപ്റ്റംബര്‍ 27ന് രാവിലെ 11 മണി വരെ നീട്ടി. ട്രാന്‍സ്ഫര്‍ അലോട്ട്‌മെന്റ് ഫലം സെപ്റ്റംബര്‍ 29ന് പ്രസിദ്ധീകരിക്കുമെന്നും ഹയര്‍സെക്കണ്ടറി ഡയറക്ടര്‍ അറിയിച്ചു.
സ്റ്റേറ്റ് ഓപ്പണ്‍ സ്‌കൂള്‍ മുഖേന 2014-16 ബാച്ചിലേക്കുള്ള ഹയര്‍സെക്കണ്ടറി ഓപ്പണ്‍, റഗുലര്‍, പ്രൈവറ്റ് രജിസ്‌ട്രേഷന്‍ പിഴയില്ലാതെ ഒക്ടോബര്‍ ആറ് വരെയും 50 രൂപ പിഴയോടെ 13 വരെയും, 250 രൂപ അധികപിഴയോടെ 18 വരെയും ചെയ്യാം. രജിസ്റ്റര്‍ ചെയ്ത വിദ്യാര്‍ത്ഥികള്‍ പ്രിന്റൗട്ടും അനുബന്ധ രേഖകളും പാലക്കാട് മുതല്‍ കാസര്‍ഗോഡ് വരെയുള്ള ജില്ലകളിലേത് ഓപ്പണ്‍ സ്‌കൂള്‍ മലബാര്‍ കേന്ദ്രത്തിലും മറ്റ് ജില്ലകളിലേത് ഓപ്പണ്‍ സ്‌കൂള്‍ സംസ്ഥാന ഓഫീസിലും എത്തിക്കണം 
മെരിറ്റ്-കം-മീന്‍സ് സ്‌കോളര്‍ഷിപ്പ് 2013-14 വര്‍ഷത്തെ പുതുക്കല്‍ അനുവദിച്ച് കിട്ടിയ വിദ്യാര്‍ത്ഥികളില്‍ സ്‌കോളര്‍ഷിപ്പ് തുക ബാങ്ക് വഴി വിതരണം ചെയ്യാന്‍ സാധിയ്ക്കാത്തവരുടെ പട്ടികയും വിശദ വിവരങ്ങളും www.dte.kerala.gov.in എന്ന വെബ്‌സൈറ്റില്‍ എം.സി.എം. ലിങ്കില്‍ ലഭിക്കും. സ്ഥാപന മേധാവികളും വിദ്യാര്‍ത്ഥികളും ലിസ്റ്റ് പരിശോധിച്ച് ബാങ്ക് സംബന്ധിച്ച വിവരങ്ങള്‍ നല്‍കിയിട്ടില്ലാത്തവര്‍ ഇന്ന് തന്നെwww.momakerala@gmail.com -ലേയ്ക്ക് ഇ-മെയില്‍ ചെയ്യണം. അവസാന തീയതിക്കുശേഷം കിട്ടുന്നവരുടെ സ്‌കോളര്‍ഷിപ്പുതുക വിതരണം ചെയ്യുന്നതല്ലെന്ന് സ്‌പെഷ്യല്‍ ഓഫീസര്‍ അറിയിച്ചു
2014-മാര്‍ച്ചില്‍ എസ്.എസ്.എല്‍.സി. പരീക്ഷയ്ക്ക് എല്ലാ വിഷയങ്ങളിലും എ പ്ലസ് നേടി വിജയിച്ചവരില്‍ നിന്നും ജില്ലാ മെറിറ്റ് സ്‌കോളര്‍ഷിപ്പിന് അപേക്ഷ ക്ഷണിച്ചു. അപേക്ഷ ഓണ്‍ലൈനായാണ് സമര്‍പ്പിക്കേണ്ടത്. എസ്.സി./എസ്.റ്റി. വിഭാഗത്തില്‍പ്പെടുന്നവര്‍ക്ക് ലഭിക്കുന്ന വിദ്യാഭ്യാസ ആനുകൂല്യങ്ങളും, എസ്.സി.ഇ.ആര്‍.ടി നല്‍കുന്ന എന്‍.ടി.എസ്.ഇ. സ്‌കോളര്‍ഷിപ്പുകളും, ഒറ്റപ്പെണ്‍കുട്ടിക്കുള്ള സ്‌കോളര്‍ഷിപ്പുകളും ഒഴികെ, മറ്റ് ഏതെങ്കിലും സ്‌കോളര്‍ഷിപ്പോ, ഫീസാനുകൂല്യങ്ങളോ കൈപ്പറ്റുന്നവര്‍ ഈ സ്‌കോളര്‍ഷിപ്പിന് അപേക്ഷിക്കാന്‍ പാടുള്ളതല്ല. വിദ്യാര്‍ത്ഥികള്‍ പഠിക്കുന്ന സ്ഥാപന മേധാവി മുഖേനയാണ് അപേക്ഷ സമര്‍പ്പിക്കേണ്ടത്. വിദ്യാര്‍ത്ഥികള്‍ അപേക്ഷ ഓണ്‍ലൈന്‍ മുഖേന സമര്‍പ്പിക്കേണ്ട അവസാന തീയതി ഒക്ടോബര്‍ 25. വിശദവിവരവും സ്ഥാപനമേധാവികള്‍ക്കുള്ള നിര്‍ദ്ദേശങ്ങളുംwww.dcescholarship.kerala.gov.inഎന്ന വെബ്‌സൈറ്റില്‍ District Merit Scholarship(DMS)>instruction എന്ന ലിങ്കില്‍ ലഭിക്കും.
സര്‍ക്കാര്‍ ജീവനക്കാരുടെ വരുമാന സ്രോതസ്സില്‍ നിന്നും ആദായ നികുതി ഈടാക്കുന്നതിനായി 8+4 ഇ.എം.ഐ. മാതൃക നടപ്പിലാക്കുന്നതിന് നിര്‍ദേശിച്ച് ധനവകുപ്പ് സര്‍ക്കുലര്‍ പുറപ്പെടുവിച്ചു. ഇതനുസരിച്ച് വര്‍ഷത്തിലെ മാര്‍ച്ച് മാസത്തെ ശമ്പള ബില്ലിനോടൊപ്പം പ്രതീക്ഷിത വരുമാനത്തിന്റെ സ്റ്റേറ്റ്‌മെന്റ് എല്ലാ എസ്.ഡി.ഓ.മാരും അവര്‍ ശമ്പളം മാറുന്ന ട്രഷറിയില്‍ ഏല്‍പ്പിക്കണം. ഗസറ്റഡ് ഓഫീസര്‍മാരല്ലാത്ത ജീവനക്കാര്‍ അതത് ഓഫീസിലെ ഡി.ഡി.ഒ. മാരുടെ പക്കല്‍ മേല്‍പ്പറഞ്ഞ സ്റ്റേറ്റ്‌മെന്റ് നല്‍കണം. ഒരു സാമ്പത്തിക വര്‍ഷം ലഭ്യമാകുന്ന അടിസ്ഥാന ശമ്പളം, അലവന്‍സ്, പെര്‍ക്വസൈറ്റ്‌സ് ഉള്‍പ്പെടെയുള്ള മൊത്ത ശമ്പളം കണക്കാക്കുകയും, അതില്‍ നിന്നും സെക്ഷന്‍ 80 സി മുതല്‍ യു വരെയുള്ള കിഴിവുകള്‍, ഭവന വായ്പയുടെ പലിശ എന്നിവ കുറച്ചതില്‍ നിന്നും തൊഴില്‍ നികുതിയും കുറച്ചുള്ള വരുമാനത്തിനാണ് നികുതി കണക്കാക്കേണ്ടത്. പ്രതീക്ഷിത വരുമാനത്തിന്റെ സ്റ്റേറ്റ്‌മെന്റ് അനുസരിച്ച് പ്രസ്തുത സാമ്പത്തിക വര്‍ഷം ഒടുക്കേണ്ട ആദായ നികുതിയുടെ 1/12 ഭാഗം വീതം ഓരോ മാസത്തേയും ശമ്പള ബില്ലില്‍ കുറവ് ചെയ്യേണ്ടതാണ്. സ്രോതസ്സില്‍ നിന്നും ആദായ നികുതി പിടിക്കാതിരുന്നാല്‍ മാസം തോറും ഒരു ശതമാനവും, പിടിച്ച നികുതി അടക്കാതിരുന്നാല്‍ ഒന്നര ശതമാനവും പലിശ നല്‍കണം. നികുതി പിടിച്ചടയ്ക്കുന്നതില്‍ വീഴ്ച വരുത്തുകയോ പിടിച്ച തുകയില്‍ കുറവു വരുത്തുകയോ ചെയ്താല്‍ പിഴ ചുമത്താം. എസ്.ഡി.ഒ.യുടെ ശമ്പളത്തില്‍ നിന്നും ടിഡിഎസ് പിടിക്കേണ്ട ചുമതല ട്രഷറി ഓഫീസറും, മറ്റുള്ള ജീവനക്കാരുടെ കാര്യത്തില്‍ അതത് ഓഫീസിലെ ഡി.ഡി.ഒ. മാരുമാണ് നിര്‍വഹിക്കേണ്ടത്. ജീവനക്കാരന്റെ ശമ്പളത്തിലോ അല്ലെങ്കില്‍ കുടിശിക, മറ്റ് അലവന്‍സുകള്‍ തുടങ്ങിയവ മൂലമോ മൊത്ത വരുമാനത്തില്‍ വര്‍ദ്ധനവുണ്ടാകുമ്പോള്‍, പ്രതീക്ഷിത വരുമാനത്തിന്റെ സ്റ്റേറ്റ്‌മെന്റ് ജീവനക്കാരന്‍ പുതുക്കി നല്‍കേണ്ടതും തുടര്‍ന്ന് പുതുക്കിയ തോതിലുള്ള ആദായ നികുതി ജീവനക്കാരന്റെ ശമ്പളത്തില്‍ നിന്നും തുടര്‍ന്നുള്ള മാസങ്ങളിലായി ബന്ധപ്പെട്ട ഡി.ഡി.ഓ. അല്ലെങ്കില്‍ ട്രഷറി ഓഫീസര്‍ ഈടാക്കേണ്ടതുമാണ്. ആദായ നികുതി കൃത്യമായി അടയ്ക്കുന്നതില്‍ വീഴ്ച വരുത്തുന്ന ഉദ്യോഗസ്ഥര്‍ ആദായ നികുതി വകുപ്പ് ചുമത്തുന്ന പിഴ പലിശ അടയ്ക്കണം. ടി.ഡി.എസ്. യഥാസമയം അടയ്ക്കുന്നതില്‍ വീഴ്ച വരുത്തുന്ന ഉദ്യോഗസ്ഥര്‍ക്കെതിരെയും റിക്കവറി ഇല്ലാതെ ശമ്പളം വിതരണം ചെയ്യുന്ന ട്രഷറി ഓഫീസര്‍ക്കെതിരെയും കര്‍ശനമായ അച്ചടക്ക നടപടികള്‍ കൈക്കൊള്ളുന്നതാണെന്നും ധനവകുപ്പിന്റെ സര്‍ക്കുലറില്‍ വ്യക്തമാക്കിയിട്ടുണ്ട്. 
ഈ  ബ്ലോഗിലെ  അക്ഷരങ്ങള്‍  ചെറുതാണെങ്കില്‍   വലുതായി  കാണാന്‍   മാര്‍ഗമുണ്ട്  കീ ബോര്‍ഡിലെ control (Ctrl) സ്വിച്ച്   ഞെക്കി പിടിച്ച്   മൌസിന്റെ  നടുവിലെ  ചക്രം (scroll wheel)  മുന്നോട്ടു  കറക്കുക-പിന്നോട്ട് കറക്കിയാല്‍  ചെറുതാകും ..






















                


ശ്രേഷ്ഠഭാഷാദിനാഘോഷം മാര്‍ഗ്ഗനിര്‍ദ്ദേശങ്ങള്‍

മുഖ്യമന്ത്രിയുടെ അദ്ധ്യക്ഷതയിലുള്ള ഔദ്യോഗിക ഭാഷ സംബന്ധിച്ച ഉന്നതതല സമിതി, ഈ വര്‍ഷം നവംബര്‍ ഒന്ന് മലയാളം ശ്രേഷ്ഠഭാഷാ ദിനമായും നവംബര്‍ ഒന്നുമുതല്‍ ഏഴുവരെ ഭരണഭാഷാവാരമായും ആഘോഷിക്കാന്‍ തീരുമാനിച്ചു. ഇത് സംഘടിപ്പിക്കുന്നതിനുള്ള മാര്‍ഗനിര്‍ദ്ദേശങ്ങളും പുറപ്പെടുവിച്ചിട്ടുണ്ട്. സര്‍ക്കാരിന്റെ എല്ലാ വകുപ്പുകളിലും പ്രത്യേകിച്ച് മലയാളം ഭരണഭാഷയാക്കിയിട്ടുള്ള വകുപ്പുകളിലും ഭരണവകുപ്പുകളിലും സ്ഥാപനങ്ങളിലും ആഘോഷപരിപാടികള്‍ സംഘടിപ്പിക്കണം. സംസ്ഥാനതലത്തില്‍ നവംബര്‍ ഒന്നാം തീയതി ശനിയാഴ്ച മലയാളം ശ്രേഷ്ഠഭാഷാ ദിനാഘോഷവും ഭരണഭാഷാസേവന പുരസ്‌കാരദാനവും സര്‍ക്കാര്‍ സംഘടിപ്പിക്കും. മലയാള ദിനമായ നവംബര്‍ ഒന്നിന് രാവിലെ 11 -ന് എല്ലാവകുപ്പുകളിലേയും സ്ഥാപനങ്ങളിലേയും എല്ലാ ഓഫീസുകളിലും ഓഫീസ് തലവന്റെ അദ്ധ്യക്ഷതയില്‍ ഭരണഭാഷാ സമ്മേളനം സംഘടിപ്പിക്കുകയും ഉദ്യോഗസ്ഥര്‍ക്ക് ഓഫീസ് തലവന്‍ ഭരണഭാഷാ പ്രതിജ്ഞ ചൊല്ലിക്കൊടുക്കയും വേണം. ഇനിപറയുന്ന പ്രതിജ്ഞയാണ് മലയാളദിനത്തില്‍ സ്വീകരിക്കേണ്ടത്. മലയാളം എന്റെ ഭാഷയാണ്. മലയാളത്തിന്റെ സമ്പത്തില്‍ ഞാന്‍ അഭിമാനിക്കുന്നു. മലയാള ഭാഷയേയും കേരള സംസ്‌കാരത്തേയും ഞാന്‍ ആദരിക്കുന്നു. ഭരണനിര്‍വ്വഹണത്തില്‍ മലയാളത്തിന്റെ ഉപയോഗം സാര്‍വ്വത്രികമാക്കുന്നതിന് എന്റെ കഴിവുകള്‍ ഞാന്‍ വിനിയോഗിക്കും. സംസ്ഥാനതലത്തില്‍ നവംബര്‍ ഒന്നിന് കനകക്കുന്ന് കൊട്ടാരം മൈതാനത്തില്‍ ചേരുന്ന ചടങ്ങില്‍ സെക്രട്ടേറിയറ്റ് ഉദ്യോഗസ്ഥര്‍ക്ക് ചീഫ് സെക്രട്ടറി ഭരണഭാഷാ പ്രതിജ്ഞ ചൊല്ലിക്കൊടുക്കും. ഭരണഭാഷാവാരാഘോഷക്കാലത്ത് ഓഫീസുകളിലും സ്‌കൂളുകളിലും ആഘോഷം സംബന്ധിച്ച് ബാനറുകള്‍ പ്രദര്‍ശിപ്പിക്കണം. ബാനറിന്റെ മാതൃക: 'ഭരണഭാഷ- മാതൃഭാഷ'. മലയാളം ശ്രേഷ്ഠ ഭാഷാ ദിനാഘോഷം - 2014 നവംബര്‍ ഒന്ന്. ഭരണഭാഷാവാരാഘോഷം - 2014 നവംബര്‍ ഒന്ന് മുതല്‍ ഏഴ് വരെ. വാരാഘോഷക്കാലത്ത് വിവിധ വകുപ്പുകളിലും ഓഫീസുകളിലും ഭാഷാപോഷണത്തിനും ഭരണഭാഷാ മാറ്റത്തിനും ഉതകുന്ന പ്രഭാഷണങ്ങള്‍, ചര്‍ച്ചകള്‍, സെമിനാറുകള്‍, സമ്മേളനങ്ങള്‍, സത്‌സേവന രേഖയും ഭരണഭാഷാ സേവന പുരസ്‌കാരവും ഭരണഭാഷാ ഗ്രന്ഥരചനാ പുരസ്‌കാരവും ലഭിച്ചവര്‍ക്കുള്ള അനുമോദനം തുടങ്ങിയവ സംഘടിപ്പിക്കണം. വിവിധ വകുപ്പുകള്‍ക്ക് യോജിച്ചതും ഭാഷാമാറ്റ പുരോഗതി കൈവരിക്കുന്നതിന് ഉതകുന്നതുമായ മറ്റു പരിപാടികളും നടപ്പിലാക്കാം. ഓഫീസുകളില്‍ ഭരണരംഗത്ത് ഉപയോഗിക്കുന്ന അഞ്ച് ഇംഗ്ലീഷ് പദങ്ങളും സമാന മലയാള പദങ്ങളും എഴുതി പ്രദര്‍ശിപ്പിക്കണം. മലയാള ദിനാഘോഷവും ശ്രേഷ്ഠഭാഷാ വാരാഘോഷവും സംബന്ധിച്ച് കീഴ് ഓഫീസുകളില്‍ സംഘടിപ്പിക്കുന്ന പരിപാടികളുടെ വിവരങ്ങള്‍ സമാഹരിച്ച് വിശദമായ റിപ്പോര്‍ട്ട് തയ്യാറാക്കി എല്ലാ വകുപ്പ് തലവന്‍മാരും നവംബര്‍ 30 ന് മുമ്പ് ഔദ്യോഗികഭാഷാ വകുപ്പ് സെക്രട്ടറിക്ക് അയക്കണം. ജില്ലാതല ആഘോഷത്തോടനുബന്ധിച്ചുള്ള സമ്മേളനത്തില്‍ മലയാള ഭാഷയ്ക്കും സാഹിത്യത്തിനും മറക്കാനാവാത്ത സംഭാവന നല്‍കിയ എഴുത്തുകാരെ ആദരിക്കണം. അതത് ജില്ലയിലുള്ള മൂന്ന് എഴുത്തുകാരെയാണ് ആദരിക്കേണ്ടത്. മുന്‍വര്‍ഷങ്ങളില്‍ ആദരിച്ചവരെ ഒഴിവാക്കാം. ജില്ലാ/താലൂക്ക്തല ആഘോഷത്തിന്റെ ചെലവ് ജില്ലാ കളക്ടര്‍ക്ക് വേണ്ടി ബജറ്റില്‍ ഉള്‍ക്കൊള്ളിച്ചിട്ടുള്ള മറ്റ് ചെലവുകള്‍ എന്ന കണക്കിലും പഞ്ചായത്ത് തലത്തിലുള്ള പരിപാടികളുടെ ചെലവ് ബന്ധപ്പെട്ട പഞ്ചായത്തിന്റെ കണക്കിലും വകയിരുത്തണം.




Hand Book for Higher Secondary Teachers

Apps-ശ്രദ്ധിക്കേണ്ട കാര്യങ്ങള്‍

സ്മാര്‍ട് ഫോണില്‍ സ്മാര്‍ട് ആയ ലോകമുണ്ട്. ലോകമെമ്പാടും 150 കോടി ജനങ്ങള്‍ മൊബൈല്‍ ഫോണിലൂടെ ഇന്റര്‍നെറ്റ് ഉപയോഗിക്കുന്നതായി കണക്കാക്കുന്നു. ഇക്കൂട്ടരുടെ എണ്ണം ദിനംപ്രതി വര്‍ധിക്കുകയാണ്. മൊബൈല്‍ ആപ്ളിക്കേഷനുകള്‍ ഡൌണ്‍ലോഡ് ചെയ്യുന്നവരുടെ എണ്ണവും കൂടുകയാണ്. സ്മാര്‍ട്ഫോണുകളുടെ ലോകത്തെ സുരക്ഷാപ്രശ്നങ്ങളിലേക്കു നമുക്കു കണ്ണോടിക്കേണ്ടതുണ്ട്.
ഒരു ആപ്ളിക്കേഷന്‍ ഡൌണ്‍ലോഡ് ചെയ്തു സ്മാര്‍ട്ഫോണില്‍ ഉപയോഗിക്കുമ്പോള്‍ ഫോണിലുള്ള പല വിവരങ്ങളും കൈമാറുന്നുണ്ടെന്ന് ഉപയോഗിക്കുന്നയാള്‍ പലപ്പോഴും അറിയുന്നില്ല. ജിപിഎസ് ലൊക്കേഷന്‍, ഫോണ്‍ സംബന്ധിച്ച വിവരങ്ങള്‍, ഉപയോഗിക്കുന്നയാള്‍ പുരുഷനോ സ്ത്രീയോ എന്നത്, പ്രായം തുടങ്ങിയ വിവരങ്ങള്‍ പല മൊബൈല്‍ ആപ്ളിക്കേഷനുകളും ശേഖരിക്കുന്നുണ്ട്. ആപ്ളിക്കേഷനുകളുടെ ആന്‍ഡ്രോയ്ഡ്, ഐഒഎസ് (ഐ ഫോണ്‍) പതിപ്പുകള്‍ ഇത്തരം വിവരങ്ങള്‍ പരസ്യമേഖലയിലുള്ള സ്ഥാപനങ്ങള്‍ക്കു നല്‍കുകയും അവരതു കച്ചവട വിപുലീകരണത്തിനായി ഉപയോഗിക്കുകയും ചെയ്യുന്നു.
ഒരാളെപ്പറ്റി ഇങ്ങനെ ലഭിക്കുന്ന ഒരു വിവരം അത്ര പ്രധാനപ്പെട്ടതാകണമെന്നില്ല. പക്ഷേ, കൂടുതല്‍ വിവരങ്ങള്‍ ഒന്നിച്ചു പരിഗണിക്കുമ്പോള്‍ അയാളെപ്പറ്റി ഏറക്കുറെ അറിയാന്‍ സാധിക്കും. വീട്ടിലുള്ളപ്പോഴും ഒാഫിസിലുള്ളപ്പോഴും മറ്റു പ്രധാനപ്പെട്ട സ്ഥലത്തുള്ളപ്പോഴും നിങ്ങളുടെ ലൊക്കേഷന്‍ ട്രാക്ക് ചെയ്യപ്പെടുന്നു എന്നിരിക്കട്ടെ. നിങ്ങള്‍ പുരുഷനോ സ്ത്രീയോ എന്നതും വയസ്സും ഐപി അഡ്രസുമെല്ലാം ഇങ്ങനെ ശേഖരിച്ചുകഴിഞ്ഞാല്‍ നിങ്ങളെപ്പറ്റി ഏകദേശ രൂപം ലഭിക്കും.
ഇന്റര്‍നെറ്റില്‍ നിങ്ങളുടെ ശീലങ്ങളെന്തെന്നു മനസ്സിലാക്കാന്‍ കഴിവുള്ള ആപ്ളിക്കേഷനുകള്‍ക്കു നിങ്ങളുടെ ഫോണിലെ കോണ്‍ടാക്റ്റ് ലിസ്റ്റ് പരിശോധിക്കാനും നിങ്ങളറിയാതെ ആ നമ്പറുകളിലേക്കു ഫോണ്‍ ചെയ്യാനും കഴിയും. നിങ്ങളുടെ ലൊക്കേഷന്‍ ഏതെന്നു മനസ്സിലാക്കാനും ശേഖരിച്ചുവച്ചിട്ടുള്ള ഫയലുകള്‍ പരിശോധിക്കാനും സാധിക്കും. ലൊക്കേഷന്‍ ഏതെന്ന വിവരം മൊബൈല്‍ പരസ്യ നെറ്റ്വര്‍ക്കിലേക്ക് അയയ്ക്കാനും കഴിയും.
ആപ്പുകള്‍ക്കു നിങ്ങളുടെ ഫോണ്‍ നമ്പറും ഒാരോ തരം ഫോണിനുമുള്ള യുണീക് ഐഡി നമ്പറും ശേഖരിക്കാനാവും. ഐഫോണിന്റെ യുണീക് ഡിവൈസ് ഐഡന്റിഫയര്‍ (യുഡിഐഡി), ബ്ളാക്ക്ബെറിയുടെ ഇന്റര്‍നാഷനല്‍ മൊബൈല്‍ എക്വിപ്മെന്റ് ഐഡന്റിറ്റി (ഐഎംഇഐ) നമ്പര്‍, ആന്‍ഡ്രോയ്ഡ് ഫോണുകളുടെ ഐഎംഇഐ അല്ലെങ്കില്‍ മൊബൈല്‍ എക്വിപ്മെന്റ് ഐഡന്റിഫയര്‍ (എംഇഐഡി) നമ്പര്‍ തുടങ്ങിയവ ശേഖരിക്കാനാവും. ഒരാളെക്കുറിച്ചുള്ള വിവരങ്ങള്‍ ഈ നമ്പറുമായി ബന്ധപ്പെടുത്തി ശേഖരിച്ചുവയ്ക്കാനാവും.
സ്മാര്‍ട്ഫോണിലെ ആപ്പ് ഉപയോഗം കൂടുകയാണെന്ന് ആപ്പുകളെക്കുറിച്ചു വിശകലനം നടത്തുന്ന 'ഫ്ളറി നടത്തിയ പഠനം വ്യക്തമാക്കുന്നു. മാര്‍ച്ചിലെ കണക്കുവച്ച് ആളുകള്‍ ദിവസേന ശരാശരി രണ്ടു മണിക്കൂര്‍ 42 മിനിറ്റ് മൊബൈല്‍ ഫോണില്‍ ചെലവിടുന്നു. ഒരുവര്‍ഷം മുന്‍പ് ഇതു രണ്ടു മണിക്കൂര്‍ 38 മിനിറ്റ് ആയിരുന്നു. മൊബൈല്‍ ഉപയോഗിക്കുന്നവരുടെ എണ്ണം നാലുവര്‍ഷത്തിനുള്ളില്‍ അഞ്ചു മടങ്ങു വര്‍ധിച്ചു. 2009 മുതല്‍ 2013 വരെ പ്രതിവര്‍ഷം 50% വളര്‍ച്ചയാണു മൊബൈല്‍ ആപ്പ് ഉപയോഗത്തിനുണ്ടായത്.
ഇന്ത്യക്കാരും പിന്നിലല്ല. 2015ല്‍ ഇന്ത്യക്കാര്‍ 900 കോടി ആപ്പുകള്‍ മൊബൈലിലും ടാബ്ലറ്റുകളിലുമായി മൊത്തം ഡൌണ്‍ലോഡ് ചെയ്തിട്ടുണ്ടാവും. 2012ല്‍ ഇന്ത്യയില്‍ 156 കോടി ആപ്പുകളാണു മൊബൈലിലും ടാബ്ലറ്റിലും ഡൌണ്‍ലോഡ് ചെയ്യപ്പെട്ടത്. ഈ മേഖല 75% പ്രതിവര്‍ഷ വളര്‍ച്ചാനിരക്കാണു കാണിക്കുന്നത്. അസോച്ചം, ഡെലോയ്റ്റ് എന്നിവ ചേര്‍ന്നു നടത്തിയ പഠനത്തിലാണ് ഈ വിവരങ്ങള്‍ ലഭിച്ചത്.
ആപ്പുകള്‍ ഉപയോഗിക്കുമ്പോള്‍ ശ്രദ്ധിക്കേണ്ട കാര്യങ്ങള്‍ 
ആദ്യം വിശകലനം ചെയ്യുക
ആപ്പ് ഡൌണ്‍ലോഡ് ചെയ്യുന്നതു കൊണ്ടു നിങ്ങള്‍ക്കു ലഭിക്കാനിടയുള്ള നേട്ടവും നിങ്ങള്‍ അറിയാതെ കൈമാറിയേക്കാവുന്ന വിവരങ്ങള്‍ കൊണ്ടുള്ള കോട്ടവും താരതമ്യം ചെയ്യുക. പ്രൈവസി സെറ്റിങ്സ് മാറ്റാന്‍ അനുവദിക്കാത്ത ആപ്പുകള്‍ ഡിലീറ്റ് ചെയ്യുക.
പാസ്വേഡോ പാറ്റേണ്‍ ലോക്കോ ഉള്ള ഫോണുകള്‍ സ്വകാര്യത ഉറപ്പാക്കാനുള്ളവയാണ്. എന്നാല്‍ ഫോണ്‍ മറ്റൊരാള്‍ക്കു കൊടുക്കുമ്പോള്‍ മെസേജുകളും മറ്റും അയാള്‍ വായിക്കാനുള്ള സാധ്യതയുണ്ട്. ഇത് ഒഴിവാക്കാന്‍ സഹായിക്കുന്ന ആപ്ളിക്കേഷനുകള്‍ ഗൂഗിള്‍ പ്ളേ സ്റ്റോറിലുണ്ട്.
ആപ്പ് ലോക്ക്
ഇത് ഒരു സൌജന്യ ആപ്ളിക്കേഷനാണ്. മറ്റ് ആപ്ളിക്കേഷനുകള്‍ ലോക്ക് ചെയ്തു വയ്ക്കാന്‍ സഹായിക്കും. പാസ്വേഡോ പാറ്റേണ്‍ ലോക്കോ ഉപയോഗിക്കാം. റാന്‍ഡം കീബോര്‍ഡ് ഒാപ്ഷന്‍, പാറ്റേണ്‍ വിസിബിലിറ്റി ഒാപ്ഷന്‍ തുടങ്ങിയവ ഉപയോഗിച്ച് ഒളിഞ്ഞുനോട്ടക്കാര്‍ പാസ്വേഡ്, പാറ്റേണ്‍ എന്നിവ മനസ്സിലാക്കുന്നതു തടയാനും കഴിയും. ലോക്ക് ചെയ്യേണ്ട ആപ്പുകള്‍ സിലക്ട് ചെയ്ത് പാസ്വേഡോ പാറ്റേണോ രേഖപ്പെടുത്തുക മാത്രം മതി.
മൊബൈല്‍ സിസ്റ്റത്തിലുള്ളതും ഡൌണ്‍ലോഡ് ചെയ്യപ്പെട്ടതുമായ എല്ലാ ആപ്പുകളും കൂടാതെ വൈഫൈ, മൊബൈല്‍ ഡേറ്റ എന്നിവയും ലോക്ക് ചെയ്തു വയ്ക്കാം. ആപ്ളിക്കേഷനുകള്‍ ഇന്‍സ്റ്റാള്‍, അണ്‍ഇന്‍സ്റ്റാള്‍ ചെയ്യുന്നതും ലോക്ക് ചെയ്യാം.
നിങ്ങളറിയാതെ ആപ്പ്ലോക്ക് അണ്‍ഇന്‍സ്റ്റാള്‍ ചെയ്യാനാവില്ല. ഒരു പ്രത്യേക സമയത്തോ സ്ഥലത്തോ നിങ്ങള്‍ക്ക് ആപ്പുകള്‍ ലോക്ക് ചെയ്യാനുള്ള സൌകര്യവുമുണ്ട്.
ഹൈഡ് ഇറ്റ് പ്രോ
ഫയലുകള്‍ ഒളിച്ചുവയ്ക്കാനുള്ള സൌജന്യ ആപ്ളിക്കേഷനാണിത്. മറ്റുള്ളവര്‍ കാണരുതെന്ന് ആഗ്രഹിക്കുന്ന പടങ്ങളോ വിഡിയോകളോ ഫയലുകളോ ഒളിച്ചുവയ്ക്കാം. ഒരു ബട്ടണില്‍ ലോങ് പ്രസ് ചെയ്തു പാസ്വേഡോ പിന്‍ കോഡോ കൊടുത്താല്‍ മാത്രമേ ഫയലുകളില്‍ പ്രവേശിക്കാനാവൂ. ലോങ് പ്രസ് ചെയ്യുന്ന സമയം ഇഷ്ടമനുസരിച്ചു നിശ്ചയിക്കാം.
സ്വകാര്യത നഷ്ടപ്പെടുത്തുന്നവയാണെങ്കിലും മൊബൈല്‍ ആപ്പുകളെ ഒഴിവാക്കി ഇന്നത്തെ കാലത്തു മുന്നോട്ടുപോകാനാവില്ല. നമ്മുടെ ആവശ്യങ്ങളും ആപ്ളിക്കേഷന്‍ കൊണ്ടുള്ള നേട്ടവും തമ്മിലുള്ള താരതമ്യത്തെ അടിസ്ഥാനമാക്കി ശരിയായ തീരുമാനമെടുക്കുക എന്നു മാത്രം. 


സ്‌നേഹപൂര്‍വ്വം പദ്ധതി

വിവിധ സാഹചര്യങ്ങളാല്‍ ജീവിതം വഴിമുട്ടുന്ന കുട്ടികളുടെ ഭാവി സുരക്ഷിതമാക്കുന്നതിനായി പ്രതിമാസ ധനസഹായം നല്‍കുന്ന സ്‌നേഹപൂര്‍വ്വം പദ്ധതി മാനദണ്ഡങ്ങള്‍ പുതുക്കി നിശ്ചയിച്ച് ഉത്തരവായി. മാതാവ് അല്ലെങ്കില്‍ പിതാവ് അല്ലെങ്കില്‍ രണ്ടുപേരും മരണമടഞ്ഞ കുട്ടികള്‍ക്കുള്ള ധനസഹായപദ്ധതിയായതിനാല്‍ മറ്റു സ്‌കോളര്‍ഷിപ്പോ സര്‍ക്കാര്‍ ആനുകൂല്യങ്ങളോ ലഭിക്കുന്നവരെയും മറ്റു നിബന്ധനകള്‍ക്കു വിധേയമായി ഇതില്‍ പരിഗണിക്കും. അപേക്ഷ വിദ്യാര്‍ത്ഥി പഠിക്കുന്ന സ്ഥാപന മേധാവികള്‍ മുഖേന ഓണ്‍ലൈനായി മാത്രമേ സ്വീകരിക്കുകയുള്ളൂ. പദ്ധതി പ്രകാരമുള്ള ധനസഹായം ബാങ്ക് മുഖേന നല്‍കുന്നതിനാല്‍ വിദ്യാര്‍ത്ഥിയുടെയും രക്ഷകര്‍ത്താവിന്റെയും പേരില്‍ കോര്‍ബാങ്കിംഗ് സംവിധാനമുള്ള ഏതെങ്കിലും ബാങ്കില്‍ ജോയിന്റ് അക്കൗണ്ട് (കുട്ടിയും രക്ഷകര്‍ത്താവും ഒരുമിച്ച് തുക പിന്‍വലിക്കാവുന്ന രീതിയില്‍ മാത്രം) ആരംഭിക്കണം. വിദ്യാഭ്യാസ സ്ഥാപന മേധാവി തന്റെ സ്ഥാപനത്തില്‍ പഠിക്കുന്ന വിദ്യാര്‍ത്ഥികളില്‍ പദ്ധതി മാനദണ്ഡങ്ങള്‍ പ്രകാരം അര്‍ഹരായവരെ കണ്ടെത്തി അവരുടെ അപേക്ഷകള്‍ നിശ്ചിത ഫോര്‍മാറ്റില്‍ കേരള സാമൂഹ്യസുരക്ഷാ മിഷന്റെ വെബ്‌സൈറ്റ് (www.socialsecuritymission.gov.in) മുഖേന ഓണ്‍ലൈനായി സമര്‍പ്പിക്കണം. അപേക്ഷകരായ വിദ്യാര്‍ത്ഥികള്‍ പദ്ധതി മാനദണ്ഡങ്ങള്‍ പ്രകാരം ധനസഹായത്തിന് അര്‍ഹരാണെന്ന് ബന്ധപ്പെട്ട സ്ഥാപനമേധാവി ഉറപ്പു വരുത്തണം. അതിന്റെ ഭാഗമായി ചുവടെപറയുന്ന രേഖകള്‍ അപേക്ഷകരായ വിദ്യാര്‍ത്ഥികളില്‍ നിന്നും ശേഖരിച്ച് ഓഫീസില്‍ സൂക്ഷിക്കണം. വെള്ളക്കടലാസിലുള്ള അപേക്ഷ, വിദ്യാര്‍ത്ഥിയുടെ അമ്മ/അച്ഛന്‍ അല്ലെങ്കില്‍ അച്ഛനമ്മമാര്‍ മരണമടഞ്ഞതിന്റെ നിയമാനുസൃതമായ മരണ സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ് ബി.പി.എല്‍. വിഭാഗത്തില്‍പ്പെടുന്നവര്‍ വിദ്യാര്‍ത്ഥിയുടെ പേര് ഉള്‍പ്പെടുന്ന ബി.പി.എല്‍. റേഷന്‍ കാര്‍ഡിന്റെ പ്രസക്ത ഭാഗങ്ങള്‍ അടങ്ങിയ പേജുകളുടെ സാക്ഷ്യപ്പെടുത്തിയ പകര്‍പ്പ് അല്ലെങ്കില്‍ കുട്ടിയെ സംരക്ഷിക്കുന്ന കുടുംബം ബി.പി.എല്‍. വിഭാഗത്തില്‍ ഉള്‍പ്പെടുന്നതാണെന്ന് കാണിക്കുന്ന തദ്ദേശസ്വയംഭരണ സ്ഥാപനങ്ങളില്‍ നിന്നുമുള്ള ബി.പി.എല്‍. സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ്. അല്ലെങ്കില്‍ വിദ്യാര്‍ത്ഥിയുടെ കുടുംബം പദ്ധതി മാനദണ്ഡ പ്രകാരമുള്ള വരുമാന പരിധിയിലുള്ളതാണെന്ന് തെളിയിക്കുന്ന വില്ലേജ് ഓഫീസറില്‍ നിന്നുള്ള വരുമാന സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പ്, വിദ്യാര്‍ത്ഥികളുടെയും രക്ഷകര്‍ത്താവിന്റെയും പേരില്‍ കോര്‍ബാങ്കിംഗ് സംവിധാനമുള്ള ഏതെങ്കിലും ഷെഡ്യൂള്‍ഡ്/ദേശസാല്‍കൃത ബാങ്കില്‍ ജോയിന്റ് അക്കൗണ്ടും (കുട്ടിക്കും രക്ഷകര്‍ത്താവിനും മാത്രം ഒരുമിച്ചു തുക പിന്‍വലിക്കാവുന്ന രീതിയില്‍) ആരംഭിച്ച പാസ്ബുക്കിന്റെ ഒന്നാം പേജിന്റെ സാക്ഷ്യപ്പെടുത്തിയ പകര്‍പ്പ്, വിദ്യാര്‍ത്ഥിയുടെ ആധാര്‍ കാര്‍ഡിന്റെ/ആധാര്‍ കാര്‍ഡ് ലഭിക്കുന്നതിനു വേണ്ടി രജിസ്റ്റര്‍ ചെയ്ത രേഖയുടെ സാക്ഷ്യപ്പെടുത്തിയ പകര്‍പ്പ്, മുന്‍വര്‍ഷങ്ങളില്‍ സ്‌നേഹപൂര്‍വ്വം പദ്ധതിയുടെ ധനസഹായം ലഭിച്ചവരും ഈ രേഖകള്‍ സഹിതം വിദ്യാഭ്യാസ സ്ഥാപന മേധാവികള്‍ മുഖേന വീണ്ടും അപേക്ഷകള്‍ ഓണ്‍ലൈനായി സമര്‍പ്പിക്കേണ്ടതാണ്. വിദ്യാഭ്യാസ സ്ഥാപന മേധാവിക്ക് ആവശ്യമെങ്കില്‍ ഇത്തരം കാര്യങ്ങളില്‍ താല്‍പ്പര്യമുള്ള അതേ സ്ഥാപനത്തിലെ മറ്റൊരദ്ധ്യാപകനെ ഈ പദ്ധതിയുടെ ചുമതലകള്‍ക്ക് നിയോഗിക്കാം. വിദ്യാര്‍ത്ഥി വെള്ളക്കടലാസില്‍ എഴുതി സമര്‍പ്പിക്കുന്ന അപേക്ഷയോടൊപ്പം നല്‍കുന്ന രേഖകള്‍ ആവശ്യമെങ്കില്‍ പരിശോധനയ്ക്ക് ലഭ്യമാക്കേണ്ടതാണ്. ഓരോ അപേക്ഷയും അപ്‌ലോഡ് ചെയ്തശേഷം അതിന്റെ പ്രിന്റ് ഔട്ട് എടുത്ത് ഈ രേഖകളോടൊപ്പം ചേര്‍ത്ത് സ്ഥാപനത്തിന്റെ ഓഫീസില്‍ സൂക്ഷിക്കണം. അപേക്ഷയുടെ പ്രിന്റ് ഔട്ട് സാമൂഹ്യ സുരക്ഷാ മിഷനിലേക്ക് അയക്കേണ്ടതില്ല. ഓണ്‍ലൈനായി സാമൂഹ്യസുരക്ഷാ മിഷനില്‍ ലഭിക്കുന്ന അപേക്ഷകള്‍ പരിശോധിച്ച് ധനസഹായം പാസാക്കുകയും അനുവദനീയമായ തുക കുട്ടിയുടെയും രക്ഷകര്‍ത്താവിന്റെയും പേരില്‍ ആരംഭിച്ച ബാങ്ക് അക്കൗണ്ടില്‍ ആര്‍.ടി.ജി.എസ്. മുഖേന മാറ്റി നിക്ഷേപിക്കുന്നതുമാണ്. ഒരു വിദ്യാഭ്യാസ സ്ഥാപനത്തിലെ അര്‍ഹരായ മുഴുവന്‍ വിദ്യാര്‍ത്ഥികളുടെയും അപേക്ഷകള്‍ കഴിവതും ഒരുമിച്ച് കേരള സാമൂഹ്യ സുരക്ഷാ മിഷനിലേക്ക് ഓണ്‍ലൈനായി സമര്‍പ്പിക്കുവാന്‍ സ്ഥാപനമേധാവികള്‍ ശ്രദ്ധിക്കണം. ഇപ്രകാരം അപ്‌ലോഡ് ചെയ്യുന്ന കുട്ടികളുടെ കമ്പ്യൂട്ടര്‍ ജനറേറ്റഡ് ലിസ്റ്റ് സ്ഥാപന മേധാവി ഒപ്പിട്ട് സ്ഥാപന മുദ്രയോട് കൂടി കേരള സാമൂഹ്യ സുരക്ഷാ മിഷനിലേയ്ക്ക് അയക്കേണ്ടതാണ്. ധനസഹായത്തിന് അര്‍ഹരായ കുട്ടികള്‍ ഓരോരുത്തര്‍ക്കും ഒരു പ്രത്യേക നമ്പര്‍ (യൂണിക് ഐഡന്റിഫിക്കേഷന്‍ നമ്പര്‍) അനുവദിക്കുന്നതും ഈ നമ്പര്‍ ഉള്‍പ്പെടെ തുക പാസാക്കിയ വിവരം വിദ്യാഭ്യാസ സ്ഥാപന മേധാവിയെ കേരള സാമൂഹ്യ സുരക്ഷാ മിഷന്‍ അറിയിക്കുന്നതുമാണ്. ഈ പ്രത്യേക നമ്പര്‍ ഉള്‍പ്പെടെയുള്ള വിവരം സ്ഥാപന മേധാവി വിദ്യാര്‍ത്ഥികളെ യഥാസമയം അറിയിക്കണം. ഭാവിയില്‍ ഈ പദ്ധതിയുമായി ബന്ധപ്പെടേണ്ട എന്തെങ്കിലും ആവശ്യം വരുന്ന പക്ഷം ഈ പ്രത്യേക നമ്പര്‍ റഫറന്‍സ് നമ്പരായി നിശ്ചയമായും കാണിക്കണം. ഒരു അദ്ധ്യയന വര്‍ഷത്തില്‍ പരമാവധി പത്ത് മാസത്തെ ധനസഹായമാണ് അനുവദിക്കുന്നത്. എല്ലാ വര്‍ഷവും ഒക്ടോബര്‍ 31 -നകം അപേക്ഷകള്‍ ഓണ്‍ലൈനായി സാമൂഹ്യ സുരക്ഷാ മിഷനില്‍ ലഭിച്ചിരിക്കണം. സാമൂഹ്യ സുരക്ഷാ മിഷന്‍ ഗഡുക്കളായോ ഒരുമിച്ചോ ഒരദ്ധ്യായന വര്‍ഷത്തേയ്ക്ക് അനുവദനീയമായ തുക പാസാക്കി നല്‍കും. മാനദണ്ഡങ്ങള്‍ പുതുക്കിയ ഈ ഉത്തരവിന്റെ പകര്‍പ്പ് എല്ലാ സര്‍ക്കാര്‍/എയ്ഡഡ് മേഖലയിലെയും വിദ്യാഭ്യാസ സ്ഥപാനങ്ങളില്‍ ലഭ്യമാക്കേണ്ടതും ഇതുമായി ബന്ധപ്പെട്ട ഓരോ വകുപ്പു മേധാവിയും ഇക്കാര്യത്തില്‍ ഉചിതമായ നിര്‍ദ്ദേശങ്ങള്‍ കീഴാഫീസുകളിലേയ്ക്കും അവരുടെ കീഴിലുള്ള ബന്ധപ്പെട്ട വിദ്യാഭ്യാസ സ്ഥാപനങ്ങളിലേക്കും നല്‍കേണ്ടതാണെന്നും ഉത്തരവില്‍ നിര്‍ദ്ദേശിച്ചിട്ടുണ്ട്.




E Tds Return Preparation in RPU 4.1

ഓരോ DDO യും ജീവനക്കാരുടെ ശമ്പളത്തില്‍ നിന്നും അടക്കേണ്ടാതായ ഒരു വര്‍ഷത്തെ നികുതി കണക്കാക്കി അവശേഷിക്കുന്ന മാസങ്ങള്‍ കൊണ്ട് ഹരിച്ചു നികുതിവിഹിതം ഓരോ മാസത്തെയും ശമ്പളത്തില്‍ നിന്നും കുറയ്ക്കാന്‍ ബാധ്യസ്ഥനാണെന്ന് അറിയാമല്ലോ.  ഇങ്ങനെ കുറയ്ക്കുന്ന നികുതിയുടെ കണക്ക് 3 മാസം കൂടുമ്പോള്‍ അപ്‌ലോഡ്‌ ചെയ്യണമെന്നും നമുക്കറിയാം.
ഗവണ്മെണ്ട് സ്ഥാപനങ്ങള്‍ ഓരോവര്‍ഷത്തെയും ഏപ്രിൽ , മെയ്‌, ജൂണ്‍ മാസങ്ങളില്‍ (അതായത് ഒന്നാം ക്വാര്‍ട്ടറിലെ ) കുറച്ച കണക്ക് ജൂലൈ 31 നു മുമ്പായി കൊടുക്കണം.  ഇങ്ങനെ രണ്ടാം  ക്വാര്‍ട്ടറിലെ (ജൂലൈ, ആഗസ്റ്റ്‌ , സെപ്റ്റംബർ ) കണക്കു ഒക്ടോബര്‍ 31 നു മുമ്പായും മൂന്നാം ക്വാര്‍ട്ടറിലെ (ഒക്ടോബർ, നവംബർ, ഡിസംബർ ) കണക്കു ജനുവരി 31 നു മുമ്പായും, നാലാം ക്വാര്‍ട്ടറിലെ (ജനുവരി, ഫെബ്രുവരി, മാര്‍ച്ച്‌) കണക്ക് മെയ്‌ 15 ന് മുമ്പായും സമര്‍പ്പിക്കണം.   ഇതാണ് ത്രൈമാസ ഇ ടി. ഡി.എസ്  റിട്ടേണ്‍ സമര്‍പ്പിക്കല്‍

CBDT , National Securities Depository Limited (NSDL) നെ  ആണ് E  TDS Return  സ്വീകരിക്കാന്‍ ചുമതലപ്പെടുത്തിയത്.   National Securities Depository Limited (NSDL) വിവിധ സ്ഥലങ്ങളില്‍ Return  സ്വീകരിക്കാന്‍ Tin Felicitation Centers നെ ചുമതലപ്പെടുത്തിയിട്ടുണ്ട്.  നാം തയ്യാറാക്കുന്ന  E  TDS Return അപ്‌ലോഡ്‌ ചെയ്യുന്നതിനായി ഇവിടെയാണ് നാം സമര്‍പ്പിക്കുന്നത്.  എല്ലാ ഗവണ്മെന്റ് സ്ഥാപനങ്ങളും E  TDS Return പ്രത്യേക സോഫ്റ്റ്‌വെയറില്‍ തയ്യാറാക്കി അപ്‌ലോഡ്‌ ചെയ്യേണ്ടതുണ്ട്.   ഇത് നമുക്കു തന്നെ തയ്യാറാക്കി TIN Fecilitation Center ല്‍അപ്‌ലോഡ്‌ ചെയ്യാന്‍ ഏല്‍പ്പിക്കാവുന്നതാണ്. 100 പാര്‍ട്ടി റെക്കോര്‍ഡുകള്‍ക്ക് 39.50 രൂപയാണ് അപ്‌ലോഡ്‌ ചെയ്യാനുള്ള ഫീസ്‌. 

E TDS Return തയ്യാറാക്കുന്നതിന്നു പല സോഫ്റ്റ്‌വേറുകളും മാര്‍ക്കറ്റില്‍ ലഭ്യമാണ്.   എന്നാല്‍ Income Tax Department സോഫ്റ്റ്‌വേറായ RPU ആണ് നാം ഇവിടെ പരിചയപ്പെടുന്നത്.  ഇത് ഡൌണ്‍ലോഡ് ചെയ്യാം.അതിനായി ഇവിടെ ക്ലിക്ക് ചെയ്യുക.  CLICK HERE for RPU 4.1..  RPU വിന്‍റെ പുതിയ 4.1 വെര്‍ഷന്‍ ആണ് ഇത്.   RPU4.1 ല്‍ നിന്നും തയ്യാറാക്കപ്പെടുന്ന 27A Form ആണ് ഇനി മുതല്‍ സമര്‍പ്പിക്കേണ്ടത്‌.  RPU 4.1  ഉപയോഗിച്ച് ടാക്സ് കുറച്ചിട്ടില്ലാത്ത ക്വാർട്ടറുകളിലെ Nil Statement തയ്യാറാക്കാൻ കഴിയുകയില്ല.  ഇനി മുതൽ Nil Statement കൾ നൽകേണ്ടതില്ല.  പകരം TRACES ൽ രജിസ്റ്റർ ചെയ്ത ശേഷം അതിൽ ഒരു Declaration കൊടുത്താൽ മതി.
ഡൌണ്‍ലോഡ് ചെയ്ത ശേഷം RPU 4.1  എന്ന ഫോള്‍ഡര്‍ കോപ്പി ചെയ്ത് My Computer ല്‍ Drive C യില്‍ പേസ്റ്റ് ചെയ്യുക.


RPU 4.1   പ്രവര്‍ത്തിക്കണമെങ്കില്‍ കമ്പ്യൂട്ടറില്‍ പ്രത്യേക JAVA സോഫ്റ്റ്‌വെയര്‍ ഇന്‍സ്റ്റോള്‍ ചെയ്യേണ്ടതുണ്ട്.  ഈ സോഫ്റ്റ്‌വെയര്‍ ഡൌണ്‍ലോഡ് ചെയ്തശേഷം അതില്‍ ഡബിള്‍ ക്ലിക്ക് ചെയ്യുക.  മിനിട്ടുകള്‍ക്കകം അത് കമ്പ്യൂട്ടറില്‍ ഇന്‍സ്റ്റോള്‍ ആയിക്കൊള്ളും.  ഇത് Tax Information Network  ല്‍ നിന്നും ഡൌണ്‍ലോഡ് ചെയ്യുന്നതിന്നായി ഇവിടെ ക്ലിക്ക് ചെയ്യുക . CLICK HERE.   അല്ലെങ്കിൽ "Oracle" വെബ്‌സൈറ്റിൽ Download പേജിൽ നിന്നും നിങ്ങളുടെ Operating System ത്തിന് അനുയോജ്യമായ "Java Runtime Environment" (അതായത് JRE)  കണ്ടെത്തി ഡൌണ്‍ലോഡ് ചെയ്യാം.  Link to ORACLE
 
Income Tax Department നല്‍കുന്ന RPU സോഫ്റ്റ്‌വെയര്‍ ഉപയോഗിച്ച് E TDS Return   തയ്യാറാക്കുന്നത് എളുപ്പത്തില്‍ മനസ്സിലാക്കുന്നതിന്ന് നമുക്ക് ഏഴ് ഘട്ടങ്ങളായി  തിരിക്കാം.

     1.RPU 4.1  ഓപ്പണ്‍ ചെയ്യല്‍
     2.Form പൂരിപ്പിക്കല്‍
     3. Challan Sheet പൂരിപ്പിക്കല്‍
     4. Annexure I ഷീറ്റ് പൂരിപ്പിക്കല്‍
     5. നാലാം ക്വാര്‍ട്ടര്‍ ആണെങ്കില്‍ Annexure II പൂരിപ്പിക്കല്‍
     6. Save  ചെയ്യല്‍
     7. Validate  ചെയ്യല്‍
     8. ഫയലുകള്‍ കോപ്പി ചെയ്യല്‍

RPU 4.1 ഓപ്പണ്‍ ചെയ്യല്‍
1.  Local  Disk  C തുറന്ന് അതില്‍ RPU 4.1 എന്ന ഫോള്‍ഡര്‍ ഡബിള്‍ ക്ലിക്ക് ചെയ്തു ഓപ്പണ്‍ ചെയ്യുക.
2.  അതില്‍ കാണുന്ന 'Rpu" എന്ന Application File ഒരു തവണ ക്ളിക്ക് ചെയ്യുക.  തുടർന്നു അതിൽ right click ചെയ്യുക.  അപ്പോൾ വരുന്ന ലിസ്റ്റിൽ "Run as administrator" ക്ളിക്ക് ചെയ്യുക.  .


അപ്പോൾ RPU വിന്റെ ആദ്യ പേജ് തുറക്കും.  അതില്‍ 'Form  No'  നു നേരെ കാണുന്ന ടെക്സ്റ്റ്‌ ബോക്സ്‌ ന്‍റെ വശത്തു ക്ലിക്ക് ചെയ്താല്‍ വരുന്ന drop down menu  വില്‍ 24Q വില്‍ ക്ലിക്ക് ചെയ്യുക.



5.  തുടര്‍ന്ന് അടിയിലുള്ള 'Click to Continue' വില്‍ ക്ലിക്ക് ചെയ്യുക.  അപ്പോള്‍ നമുക്ക് ആവശ്യമായ 24Q Form  തുറന്ന് വരും.  അതില്‍ Form, Challan, Annexure I എന്നീ 3 പേജുകള്‍ കാണാം.  അതില്‍ ഇപ്പോള്‍ തുറന്ന് കാണുന്നത് Form എന്ന പേജാണ്‌.

Form പൂരിപ്പിക്കല്‍ 
Form എന്ന പേജിലാണ് നാം സ്ഥാപനത്തെക്കുറിച്ചും ശമ്പളത്തില്‍ നിന്ന് ടാക്സ്  കുറയ്കാന്‍ ബാധ്യതപ്പെട്ട (അതായത് സ്ഥാപനമേധാവി) ആളെക്കുറിച്ചുള്ള വിവരങ്ങള്‍ രേഖപ്പെടുത്തുന്നത്.  ഇതില്‍ ' * ' ചിഹ്നം കാണുന്ന വിവരങ്ങള്‍ നിര്‍ബന്ധമായും രേഖപ്പെടുത്തേണ്ടതാണ്.
ഇനി ഓരോ Text Box  ലും എന്തൊക്കെയാണ് ചേര്‍ക്കേണ്ടത് എന്ന് നോക്കാം.



1.  Year - ഒന്നാമത്തെ വരിയിൽ ആക്റ്റീവ് ആയി കാണുന്ന വർഷം ചേർക്കാനുള്ള കള്ളിയിലാണ് ആദ്യമായി എന്റർ ചെയ്യുന്നത്.  തയ്യാറാക്കുന്ന Statement  ഏതു ക്വാര്‍ട്ടറിലെതാണോ ആ വര്‍ഷം ഇവിടെ ചേര്‍ക്കുക.  2014  ജൂലൈ, ഓഗസ്റ്റ്‌, സെപ്റ്റംബര്‍  മാസങ്ങളിലേതിന് '2014 ' എന്നും 2015 ജനുവരി, ഫെബ്രുവരി, മാര്‍ച്ച്‌ മാസങ്ങളിലേതിന് '2015  ' എന്നും ആണ് ചേര്‍ക്കേണ്ടത്..
2. അതിനു ശേഷം "Particulars of salary drawn" എന്നതിന് താഴെ ആദ്യ വരിയിൽ രണ്ടാമതായി കാണുന്ന 'Financial Year' ചേർക്കുക.  ഇവിടെ ഏതു  സാമ്പത്തികവര്‍ഷത്തെ വിവരങ്ങളാണോ കൊടുക്കുന്നത് ആ സാമ്പത്തികവര്‍ഷം drop down list ല്‍  നിന്നും സെലക്ട്‌ ചെയ്തു ചേര്‍ക്കുക
അപ്പോൾ 'Please select Quarter' എന്ന message box തുറക്കും.അതിൽ OK ക്ളിക്ക് ചെയ്യുക.
3. ഇനിയാണ് ഒന്നാമത്തെ വരിയിൽ ആദ്യം കാണുന്ന Quarter സെലക്ട്‌ ചെയ്യേണ്ടത്.  Quarterly Statement  for quarter ended  എന്നതിന് നേരെ Q1 എന്ന് രേഖപ്പെടുത്തിയതായി കാണാം.   Q2, Q3, Q4 എന്നീ ക്വാര്‍ട്ടെറുകളിലെ  statement  ആണ് തയ്യാറാക്കേണ്ടത് എങ്കില്‍ വശത്ത് ക്ലിക്ക് ചെയ്‌താല്‍ വരുന്ന drop  down  menu വില്‍ വേണ്ട ക്വാര്‍ട്ടെര്‍ സെലക്ട്‌ ചെയ്യുക  
(Q4 ആണ് ക്ലിക്ക് ചെയ്യുന്നതെങ്കില്‍ Annexure 1 കൂടാതെ Annexure II എന്ന പേജ് കൂടി വന്നതായി മുകളില്‍ നോക്കിയാല്‍ കാണാം)

Particulars of  salary  drawn 
1.  Tax  Deduction  and Collection Account No - ഇതില്‍ സ്ഥാപനത്തിന്‍റെ TAN നമ്പര്‍ ചേര്‍ക്കുക.ഇതില്‍ 4 ഇംഗ്ലീഷ് അക്ഷരങ്ങളും 5 മുതല്‍ 9 വരെ സ്ഥാനങ്ങളില്‍ അക്കങ്ങളും പത്താം സ്ഥാനത്ത്  ഇംഗ്ലീഷ് അക്ഷരവുമായിരിക്കും.  നാലാമത്തെ ഇംഗ്ലീഷ് അക്ഷരത്തിലായിരിക്കും സ്ഥാപനത്തിന്‍റെ  പേര് തുടങ്ങുന്നത്.
2.  Permanent Account Number  - ഗവണ്മെന്റ് സ്ഥാപനങ്ങള്‍ക്ക് (Aided School  ഉള്‍പ്പെടെ) PAN നമ്പര്‍ ചേര്‍ക്കേണ്ട ആവശ്യമില്ലാത്തതിനാല്‍ ഇതില്‍ 'PANNOTREQD' എന്ന് ചേര്‍ക്കുക.
3.  Financial Year - ഇത് നമ്മൾ ചേർത്തു കഴിഞ്ഞു.
4.  Type  of  deductor - സംസ്ഥാനഗവണ്മെന്റ്ല്‍  നിന്നും ശമ്പളം കൈപ്പറ്റുന്ന സ്ഥാപനങ്ങള്‍ക്ക് 'State Government' എന്ന് സെലക്ട്‌ ചെയ്യാം.
Particulars of Deductor (Employer)
1.  Name - ഇവിടെ സ്ഥാപനത്തിന്‍റെ പേരാണ് ചേര്‍ക്കേണ്ടത്.  അത് TAN നമ്പറിന്‍റെ  നാലാമത്തെ അക്ഷരത്തില്‍ തുടങ്ങുന്നതായിരിക്കും.
2.  Branch/Division if  any - ഉണ്ടെങ്കില്‍ മാത്രം ചേര്‍ക്കുക.
3.  Statename - dropdownlist ല്‍  നിന്ന് തെരഞ്ഞെടുത്ത് ക്ലിക്ക് ചെയ്യുക.
4.  Flat  No - ഇത് നിര്‍ബന്ധമായും ചേര്‍ക്കണം.  ഇവിടെ ബില്‍ഡിംഗ്‌ നമ്പര്‍ ചേര്‍ത്താല്‍ മതിയാകും.
5.  Area /Location  - സ്ഥാപനം സ്ഥിതി ചെയ്യുന്ന സ്ഥലം ഉള്‍പ്പെട്ട പ്രദേശത്തിന്‍റെ  പെരെഴുതം.  പഞ്ചായത്തിന്‍റെ  പേരുമാവാം.
6.  Road /Street /Lane - സ്ഥലപ്പേരോ തെരുവിന്‍റെ പേരോ എഴുതാം.
7.  Pincode - നിര്‍ബന്ധമാണ്‌.
8.  Telephone  No. - ഈ പേജില്‍ മൂന്നിടത്ത് ഫോണ്‍ നമ്പര്‍ ചോദിക്കുന്നുണ്ട്.  അവയില്‍ ഏതെങ്കിലും ഒന്ന് നിര്‍ബന്ധമായും ചേര്‍ക്കണം.
9.  DDO Code - നിര്‍ബന്ധമില്ല.
10.  Name  of  Premises /building  - കെട്ടിടത്തിന്‍റെ പേരോ സ്ഥാപനത്തിന്‍റെ പേരോ ചേര്‍ക്കാം.
11.  Town /City /District - ജില്ലയുടെ പേര് രേഖപ്പെടുത്താം.
12.  State - dropdownlist ല്‍ നിന്നും തെരഞ്ഞെടുത്ത് ക്ലിക്ക് ചെയ്യുക.
13.  E Mail - സ്ഥാപനത്തിന് ഇ മെയില്‍ ഉണ്ടെങ്കില്‍ ചേര്‍ക്കുക.  (ഇല്ലെങ്കില്‍ സ്ഥാപനമേധാവിയുടെ ഇ മെയില്‍ സ്ഥാപനമേധാവിയെ കുറിച്ചുള്ള വിവരങ്ങള്‍ കൊടുക്കുന്നിടത്ത് നിര്‍ബന്ധമായും ചേര്‍ക്കുക)
14.  Has address changed since last return - കഴിഞ്ഞ ക്വാര്‍ട്ടറില്‍ റിട്ടേണ്‍ ഫയല്‍ ചെയ്തതിനു ശേഷം അഡ്രസ്‌ മാറിയെങ്കില്‍ 'Yes' എന്നും ഇല്ലെങ്കില്‍ 'No' എന്നും സെലക്ട്‌ ചെയ്തു ക്ലിക്ക് ചെയ്യുക. 15.  Account Office Identification Number - ഇതിനു നേരെ നമ്മുടെ സ്ഥാപനം ഉള്‍പ്പെട്ട ജില്ല ട്രഷറിയുടെ AIN നമ്പറാണ് ചേര്‍ക്കേണ്ടത്.  ഇത് ഒരു സ്ഥിരനമ്പര്‍ ആയിരിക്കും.  ഈ നമ്പര്‍ ഏതെന്നു അറിയില്ലെങ്കില്‍ NSDL സൈറ്റില്‍ നിന്നും കണ്ടുപിടിക്കാം. BIN Number പരിശോദിക്കുന്ന അവസരത്തില്‍ അതിന്‍റെ കൂടെ ഒരു കോളത്തില്‍ AIN നമ്പരും കാണാം. CLICK HERE FOR AIN NUMBER AND BIN NUMBER

Particulars of Person Responsible for Deduction of Tax




     ഇതില്‍ ശമ്പളത്തില്‍ നിന്നും ടാക്സ് കുറയ്ക്കാന്‍ ബാധ്യതപ്പെട്ട (DDO അല്ലെങ്കില്‍ സ്ഥാപനമേധാവി) ആളിന്‍റെ വിവരങ്ങളാണ് നല്‍കേണ്ടത്.
1.  Name  - DDO യുടെ പേര് രേഖപ്പെടുത്തുക.
2.  Designation - ഉദ്യോഗപ്പേര് ചേര്‍ക്കുക.
     തുടര്‍ന്നു "Same as above" എന്നതിനോട് ചേർന്ന ബോക്സിൽ ക്ളിക്ക് ചെയ്യുക.  അപ്പോൾ സ്ഥാപനത്തിന്റെ അഡ്രസ്‌ താഴെയുള്ള കള്ളികളിൽ വന്നിട്ടുണ്ടാകും.
   E Mail - DDO യുടെ ഇ മെയില്‍ ഉണ്ടെങ്കില്‍ ചേര്‍ക്കുക. Phone number ചേര്ക്കുക.  Mobile number നിർബന്ധമായും ചേർക്കുക.(സ്ഥാപനത്തിന്‍റെയോ DDO യുടെയോ ഇ മെയിലില്‍ ഒന്ന് നിര്‍ബന്ധമാണ്‌.
Has address changed since last return - കഴിഞ്ഞ റിട്ടേണ്‍ കൊടുത്തു കഴിഞ്ഞ ശേഷം DDO  മാറിയെങ്കില്‍ 'Yes' എന്നും ഇല്ലെങ്കില്‍ 'No' എന്നും ചേര്‍ക്കുക.
Has regular statement for Form 24Q filed for earlier period - ഇവിടെ കഴിഞ്ഞ ക്വാർട്ടെറിലെ TDS Statement ഫയൽ ചെയ്തെങ്കിൽ 'Yes' സെലക്ട്‌ ചെയ്യുക.  ഇല്ലെങ്കിൽ 'No' സെലക്ട്‌ ചെയ്യുക.
Receipt No. of earlier statement filed for Form 24Q - ഇവിടെ കഴിഞ്ഞ ക്വാർട്ടെറിലെ TDS Statement ന്റെ 15 അക്ക Provisional Receipt Number ചേർക്കുക.
      ഇത്രയും വിവരങ്ങള്‍ ചേര്‍ത്തു കഴിഞ്ഞാല്‍ മുകളിലെ 'Challan' ക്ലിക്ക് ചെയ്തു ചലാന്‍ പേജ് തുറക്കാം.

Challan sheet പൂരിപ്പിക്കല്‍
ചലാനില്‍ നമുക്ക് എത്ര വരികള്‍ ആവശ്യമാണോ അത്രയും വരികള്‍ ചേര്‍ക്കേണ്ടതുണ്ട്.  മൂന്നു മാസം ഉള്‍ക്കൊള്ളുന്ന ക്വാര്‍ട്ടറില്‍  എത്ര ബില്ലുകളിലാണോ  ടാക്സ്  കുറച്ചത് അത്രയും എണ്ണം വരികള്‍ ആവശ്യമായി വരും.
[No of Rows=No of bills with TDS on sallary payments made in the quarter (for Government Employees)]
ഉദാഹരണമായി 2014 ജനുവരി മുതല്‍ മാര്ച് വരെയുള്ള ത്രൈമാസത്തില്‍ 2 ബില്ലുകള്‍ കാഷ് ചെയ്തു.  അതില്‍ 2 ബില്ലിലും ടാക്സ് കുറച്ചിട്ടുണ്ട് എങ്കില്‍ 2 വരിയും ഒരു ബില്ലില്‍ മാത്രമേ ടാക്സ് കുറച്ചുള്ളൂ എങ്കില്‍ 1 വരിയും insert ചെയ്യുക.
     (ബില്ലില്‍ ടാക്സ് കുറയ്ക്കാതെ ചലാന്‍ വഴി ബാങ്കില്‍ ടാക്സ് അടച്ചവര്‍ ഓരോ ചലാനിനും ഓരോ വരി insert  ചെയ്യുക.)
     ഇനി ചലാനിലെ വരികള്‍ insert ചെയ്യുന്നതിനായി 'Insert Row' ക്ലിക്ക് ചെയ്യുക.അപ്പോള്‍ വരുന്ന ബോക്സില്‍ വരികളുടെ എണ്ണം കൊടുത്ത്  OK ക്ലിക്ക് ചെയ്യുക.  അപ്പോള്‍ ആവശ്യമായത്രയും വരികള്‍ വന്നതായി കാണാം.





ഇനി ഓരോ കോളത്തിലും എന്തൊക്കെയാണ് ചേര്‍ക്കേണ്ടത് എന്ന് നോക്കാം.
1.  Sl  No - 1,2 എന്നിങ്ങനെ സീരിയല്‍ നമ്പര്‍ കാണാം.
4.  TDS - ഇവിടെ ആ ബില്ലില്‍ നിന്നും ആകെ കുറച്ച ടാക്സ് ചേർക്കുക.
5.  Surcharge - '0'  ചേര്‍ക്കുക.
6. Education Cess - '0ചേര്‍ക്കുക.
7.  Interest - '0' ചേര്‍ക്കുക.
8.  Fee - '0' ചേര്‍ക്കുക.
9. Others- '0' ചേർക്കുക

 


14.  BSR Code /24G Receipt No  - BSR Code അല്ലെങ്കില്‍ 24G Receipt  No ചേര്‍ക്കുക. (7 അക്കം)
(ബിൻ നമ്പറിന്റെ ആദ്യ7 അക്കങ്ങൾ) ബിൻ നമ്പർ അറിയാൻ ഇതിൽ ക്ലിക്ക് ചെയ്യുക.
16.  Date  on  which Tax depiosited  - ബിൻ നമ്പറിൽ  ഈ തിയ്യതി കാണാം.ഏതുമാസത്തിലാണോ ബില്‍ കാഷ് ചെയ്തത് ആ മാസത്തെ അവസാനദിവസം ആവും ഇത്..  21-1-2014  നു കാഷ് ചെയ്ത ബില്ലെങ്കില്‍ 31-1-2014  ആയിരിക്കും.. (RPU വില്‍ തിയ്യതി ചേര്‍ക്കേണ്ടിത്തെല്ലാം  രണ്ടു തവണ double click ചെയ്‌താൽ തുറക്കുന്ന കലണ്ടർ ഉപയോഗിക്കാം.)
18. DDO/Transfter voucher/ Challan Serial No. - Enter the DDO Serial Number in the BIN Number here.
19. Mode of deposit through Book Adjustment - Select 'YES' from the dropdown list.
20. Interest to be allocatted, apportioned - "0" ചേർക്കുക.
21. Others - Enter '0' here also.
22. Minor Head of Chalan - ഒന്നും ചേര്‍ക്കേണ്ടതില്ല.
   
     എല്ലാ വരികളിലും ഓരോ ബില്ലിലെയും വിവരങ്ങള്‍ ചേര്‍ത്തു  കഴിഞ്ഞാല്‍ അടുത്ത പേജായ Annexure 1 ല്‍  ക്ലിക്ക് ചെയ്തു പേജ് തുറക്കുക.

Annexure 1 പൂരിപ്പിക്കല്‍ 
Annexure  1 ല്‍ ആദ്യമായി വരികള്‍ insert ചെയ്യേണ്ടതുണ്ട്.  എത്ര വരികളാണ് വേണ്ടതെന്നു ആദ്യം കണക്കാക്കണം.
     No of rows to be inserted = Total number of employees from whose salary tax was deducted during the quarter, in all the bills put together.  Even if employee name repeats in different bills it should be counted separately for each bill. 
     ഉദാഹരണമായി 2013-14 ലെ നാലാം ത്രൈമാസത്തില്‍  2 ബില്ലുകള്‍ കാഷ്  ചെയ്തു.  അതില്‍ ഫെബ്രുവരിയില്‍ കാഷ് ചെയ്ത ജനുവരി മാസത്തെ ബില്ലില്‍ 2 പേരുടെയും  ശമ്പളത്തില്‍ നിന്നും മാര്‍ച്ചില്‍ കാഷു ചെയ്ത ഫെബ്രുവരി മാസത്തെ ബില്ലില്‍ നിന്നും 3  പേരുടെയും ശമ്പളത്തില്‍ നിന്നും ടാക്സ്  കുറച്ചുവെങ്കില്‍ 5 വരികള്‍ insert  ചെയ്യണം.
     ഇതിനായി Insert Row യില്‍ ക്ലിക്ക് ചെയ്താല്‍ വരുന്ന ബോക്സില്‍ 5 ചേര്‍ത്ത് OK ക്ലിക്ക് ചെയ്യുക. അപ്പോൾ "Deductee Records" എന്ന pop up menu തുറക്കും.  അതിൽ ഒന്നാമത്തെ challan ൽ 2 പേരുടെ ടാക്സ് ഉൾപ്പെട്ടതിനാൽ 2 എന്നും രണ്ടാമത്തെ challan ൽ 3 പേരുടെ ടാക്സ് ഉൾപ്പെട്ടതിനാൽ 3 എന്നും ചേർത്ത് "OK" click ചെയ്യുക.




1.  Challan Serial No - ഇതില്‍ നമ്പറുകള്‍ വന്നിട്ടുണ്ടാവും. മേല്‍ കാണിച്ച ഉദാഹരണത്തില്‍ 2 ബില്ലുകളിലാണ് ടാക്സ് കുറച്ചത്.  ഒന്നാമത്തെ ബില്ലില്‍ 2 പേരുടെ ടാക്സ് കുറച്ചതിനാല്‍ രണ്ടു വരിയില്‍ '1' എന്ന് കാണാം.  രണ്ടാമത്തെ ബില്ലില്‍ 3 പേരുടെ ടാക്സ് കുരച്ചതിനാല്‍ തുടര്‍ന്നുള്ള 3 വരികളില്‍ '2' എന്ന് കാണാം.(കോളം 7 ൽ വിവരങ്ങള്‍ വന്നത് കാണാം.)
6.  Section under which payment made - ഇവിടെ 92A സെലക്ട്‌ ചെയ്യുക.



11.  Sr No - ഒന്നാം ബില്ലിലെ ഒന്നാമാതെയാള്‍ക്ക് '1' എന്നും രണ്ടാമത്തെയാള്‍ക്ക് '2' എന്നും നമ്പര്‍ കൊടുക്കുക.  രണ്ടാമത്തെ ബില്ലിലെ ഒന്നാമന് '1' എന്നും രണ്ടാമന് '2' എന്നും മൂന്നാമന് '3' എന്നും നമ്പര്‍ കൊടുക്കുക.



Challan Sl No ----- ------ Sr No. -----
Column 1 -- -- Column 11 --
1 -- -- 1 --
1 -- -- 2 --
2 -- -- 1 --
2 -- -- 2 --
2 -- -- 3 --
12.  Employee Reference No provided by Employer - ഇതില്‍ ഓരോ ജീവനക്കാരനും അവരുടെ പെന്‍ നമ്പരോ ഓഫീസിലെ ക്രമനമ്പറോ ചേര്‍ക്കാം.
14. PAN of the Employee - ഇവിടെ PAN നമ്പര്‍ ചേര്‍ക്കാം.
15.  Name  of the Employee - ടാക്സ് അടച്ച ആളുടെ പേര് ചേര്‍ക്കുക. പേര് പാന്‍ നമ്പരിന്‍റെ അഞ്ചാമത്തെ അക്ഷരത്തില്‍ തുടങ്ങുന്നതാവണം.
16.  Date of Payment/Credit - ഇവിടെ ബില്‍ കാഷ് ചെയ്ത മാസത്തിന്‍റെ അവസാനദിവസം ചേര്‍ക്കണം.
17. Amount paid/collected  - ഇതില്‍ ആ ജീവനക്കാരന്‍റെ  ആ മാസത്തെ Gross salary ചേര്‍ക്കാം.  ഇത് ഒരിക്കലും കൂടിപ്പോകാതിരിക്കാന്‍ ശ്രദ്ധിക്കുക.
18. TDS - ജീവനക്കാരന്‍റെ ശമ്പളത്തില്‍ നിന്നും ആ മാസം കുറച്ച ടാക്സ് ചേർക്കണം
19.  Surcharge - '0' ചേര്‍ക്കാം.
20.  Education Cess - '0' ചേർക്കുക
23.  Total Tax deposited - TDS സംഖ്യ ചേര്‍ക്കുക.
25.  Date of deduction - ആ മാസത്തിന്‍റെ അവസാനദിനം ചേര്‍ക്കുക.
26.  Remarks - ഇതില്‍ ഒന്നും ചേര്‍ക്കേണ്ട.
27.  Certificate number - ഇവിടെ ഒന്നും ചേർക്കേണ്ടതില്ല
     Q1, Q2, Q3 എന്നീ Tds റിട്ടേണുകള്‍ ആണ് തയ്യാറാക്കുന്നതെങ്കിൽ Annexure  1 ലെ എല്ലാ വരികളും പൂരിപ്പിക്കുന്നതോടെ ആവശ്യമായ വിവരങ്ങള്‍ ചേര്‍ത്തു കഴിഞ്ഞു.  ഇനി Saving, Validation  എന്നീ ഘട്ടങ്ങളിലേക്കു കടക്കാം.  എന്നാല്‍ Q4 ആണ് ചെയ്യുന്നതെങ്കില്‍ Annexure II കൂടി പൂരിപ്പിക്കേണ്ടതുണ്ട്.  അതിനായി മുകളില്‍ Annexure II ക്ലിക്ക് ചെയ്യുക.

Annexure II പൂരിപ്പിക്കല്‍ 
    ഇതിലും നാം ആവശ്യമായ വരികള്‍ insert ചെയ്യേണ്ടതുണ്ട്. ആ സാമ്പത്തികവർഷം എത്ര ജീവനക്കാരിൽ നിന്നും ടാക്സ് കുറച്ചുവോ അത്രയും വരികൾ ചേർക്കുക.
Number of Rows to be inserted = Number unique employees from whose salary tax was deducted at source at least once during the Financial Year in any quarter. (Only one row for one employee)
     ഇതിനായി 'Insert row' യില്‍ ക്ലിക്ക് ചെയ്ത് എണ്ണം അടിച്ച് 'OK' ക്ലിക്ക് ചെയ്യുക.  ഇനി ഓരോ കോളത്തിലും ചേര്‍ക്കേണ്ടത് എന്തെന്ന് നോക്കാം.  ഓരോ ജീവനക്കാരന്‍റെയും ആ സാമ്പത്തികവര്‍ഷത്തെ ആകെ വരുമാനത്തിന്‍റെ കണക്കാണ് ഈ പേജില്‍ ചേര്‍ക്കേണ്ടത്.  (ഓരോ ആളുടെയും statement നോക്കി വിവരങ്ങള്‍ ചേര്‍ക്കാം)





3.  PAN of the employee - PAN നമ്പര്‍ ചേര്‍ക്കണം.
4.  Name of the employee - ജീവനക്കാരന്‍റെ  പേര് ചേര്‍ക്കണം.  പേരടിക്കാന്‍ സ്ഥലം കുറവെങ്കിൽ വരയില്‍ മൗസ് പോയിന്‍റെര്‍ വച്ച് drag ചെയ്താല്‍ മതി.
5.  Deductee Type  - വശത്ത് ക്ലിക്ക് ചെയ്തു കിട്ടുന്ന ലിസ്റ്റില്‍ നിന്നും Women, Senior Citizen, others ഏതെങ്കിലും ഒന്ന് ക്ലിക്ക് ചെയ്യുക.  പുരുഷന്മാര്‍ക്ക് Others ക്ലിക്ക് ചെയ്യുക.
6.  Date on which employed with current Employer - സാമ്പത്തിക വര്‍ഷത്തിന്‍റെ ആദ്യ ദിവസം ചേര്‍ക്കാം ഉദാ- 01-04-2013. പിന്നീട് ജോയിന്‍ ചെയ്തവര്‍ക്കും ട്രാന്‍സ്ഫര്‍ ആയി വന്നവര്‍ക്കും ആ തിയ്യതി ചേര്‍ക്കാം.
7.  Date to which employed with current employer - സാമ്പത്തിക വര്‍ഷത്തിന്‍റെ അവസാനദിവസം ചേര്‍ക്കാം.  ഉദാ- 31-03-2014.  
8. Taxable amount on which tax deducted by the current employer - ഈ സ്ഥാപനത്തിൽ നിന്നും ജീവനക്കാരൻ വാങ്ങിയ gross salary ചേർക്കുക.
9. Reported taxable amount on which tax deducted by previous employer - ഈ സാമ്പത്തിക വർഷം ജീവനക്കാരൻ മറ്റൊരു സ്ഥാപനത്തിൽ ജോലി ചെയ്തുവെങ്കിൽ അവിടെ നിന്നും വാങ്ങിയ gross salary ചേർക്കുക. (അടുത്ത കോളത്തിൽ ആകെ സാമ്പത്തിക വർഷം വാങ്ങിയ gross  salary ശരിയാണോ എന്ന് നോക്കുക.)


11.  Deduction under section 16(II) - ഇവിടെ ചേര്‍ക്കേണ്ടത് Entertainment Allowance ആണ്.  ഇല്ലെങ്കില്‍ '0' ചേര്‍ക്കാം.
12.  Deduction under section 16(III) - Professional Tax ചേര്‍ക്കുക.
15.  Income (including loss from house property) under any Head..... - ഇവിടെ Housing Loan Interest നെഗറ്റീവ് ചിന്ഹം ('-') ചേര്‍ത്ത് ഇവിടെ കൊടുക്കാം.
17.  Aggregate amount of Deduction under section 80C, 80CCC ..... - 80C, 80CCC, 80CCD എന്നീ കിഴിവുകളുടെ തുക ഇവിടെ ചേര്‍ക്കാം.  പരമാവധി ഒരു ലക്ഷം.
19.  Amount Deductible under Sectiion 80CCG - Equity Savings Scheme ന്‍റെ അനുവദനീയമായ കിഴിവ് ഇവിടെ ചേര്‍ക്കാം.




20.  Amount deductible under any other provision of Chapter VIA. - Chapter VIA പ്രകാരമുള്ള മറ്റു കിഴിവുകള്‍ ഇവിടെ ചേര്‍ക്കാം.Section 80D, 80DD, 80DDB, 80E, 80U, മുതലായവയുടെ തുകയാണ് ചേർക്കേണ്ടത്.
     (കോളം 22  ലെ Total Taxable Income സംഖ്യ Form 16 ലെ Taxable Income തന്നെ ആണോ എന്ന് നോക്കുക.)
23.  Total Tax - Income Tax on Total Income - ടാക്സ് ചേര്‍ക്കുക.
24.  Surcharge - '0' ചേര്‍ക്കുക.
25.  Educational Cess - 3% സെസ് ചേര്‍ക്കുക.
26.  Income Tax  Relief - റിലീഫ് ഉണ്ടെങ്കില്‍ ചേര്‍ക്കുക.
    (കോളം 27ൽ ഉള്ള Net Tax Payable ശരിയാണോ എന്ന് നോക്കുക.
28.  Total amount of TDS by the current employer for the whole year - ആ വര്‍ഷം ഈ സ്ഥാപനത്തിൽ ശമ്പളത്തില്‍ നിന്നും കുറച്ച  ആകെ ടാക്സ് ചേര്‍ക്കുക.
29. Reported Amount of TDS by previous employer. - ഈ വർഷം മുമ്പ് ഒരു സ്ഥാപനത്തിൽ ജോലി ചെയ്തുവെങ്കിൽ അവിടെ നിന്നും കുറച്ച TDS സംഖ്യ ചേർക്കുക.  ഇല്ലെങ്കിൽ "0" ചേർക്കുക.
   (കോളം 30 ൽ ഉള്ള Total amount of tax deducted for the whole year അതായത് അയാളിൽ നിന്നും ആ വർഷം ആകെ പിടിച്ച TDS കൃത്യമാണോ എന്ന് നോക്കുക)
32. Whether tax deducted at higher rate - കൂടിയ നിരക്കിൽ ടാക്സ് കുറച്ചിട്ടില്ലാത്തതിനാൽ 'No' എന്ന് സെലക്ട്‌ ചെയ്യുക.

     എല്ലാ ജീവിനക്കാരുടെയും വിവരങ്ങള്‍ ഈ വിധം ചേര്‍ത്ത് കഴിഞ്ഞാല്‍ അടുത്ത ഘട്ടമായ Saving ലേക്ക് കടക്കാം.

ഫയലുകള്‍ സേവ് ചെയ്യല്‍.
     ഫയല്‍ സേവ് ചെയ്യുന്നതിനായി ഏറ്റവും താഴെ കാണുന്ന 'Save' എന്ന കമാന്‍ഡ് ബോക്സില്‍ ക്ലിക്ക് ചെയ്യുക.  അപ്പോള്‍ 'save As' എന്ന വിന്‍ഡോ തുറക്കും.  ഫയൽ എവിടെയാണോ സേവ് ചെയ്യേണ്ടത് ആ path സെലക്ട്‌ ചെയ്തു കൊണ്ടുവരിക.  RPU 4.1 എന്ന ഫോൾഡറിൽ സേവ് ചെയ്യുകയാണ് വേണ്ടത്. അതില്‍ "New Folder" എന്ന ബട്ടണിൽ ക്ളിക്ക് ചെയ്യുക.
    


 അല്ലെങ്കില്‍ റൈറ്റ് ക്ലിക്ക് ചെയ്ത്  New Folder ഉണ്ടാക്കുക.  എന്നിട്ട് ആ ഫോള്‍ഡറിന് പേര് നല്‍കാം. സ്ഥാപനത്തിന്‍റെ പേരിന്‍റെ കൂടെ 24Q4Q, or (24Q3Q) എന്നുകൂടെ ചേര്‍ത്ത് പേര് അടിക്കാം.  എന്നിട്ട് ഈ ഫോൾഡർ ഓപ്പണ്‍ ചെയ്യാം.  RPU 4.1 ൽ File Name നമ്മൾ ചേര്ക്കാതെ തന്നെ വന്നു കൊള്ളും.
     അതിന് ശേഷം save ക്ലിക്ക് ചെയ്യുക.  ശരിയായി സേവ് ചെയ്തെങ്കില്‍ 'File saved successfully at ....' എന്ന ഡയലോഗ് ബോക്സ്‌ തുറന്നു വരും.  അതില്‍ OK ക്ലിക്ക് ചെയ്യുക.
     ഇനി അടുത്ത ഘട്ടം ഫയല്‍ വാലിഡേറ്റ് ചെയ്യുകയാണ്.

വാലിഡേറ്റ് ചെയ്യല്‍ 



ഫയല്‍ വാലിഡേറ്റ് ചെയ്യാനായി 'create file' ക്ലിക്ക് ചെയ്യുക.  അപ്പോള്‍ 'Select path' എന്ന ഒരു ഡയലോഗ് ബോക്സ്‌ തുറക്കും.  അതിന്‍റെ വലത് വശത്തായി 'Browse' എന്ന ലേബലോടെ മൂന്ന് ബട്ടണുകള്‍ കാണാം.  അതില്‍ ഏറ്റവും താഴത്തെ 'Browse' എന്നെഴുതിയ ബട്ടണില്‍ ക്ലിക്ക് ചെയ്യുക.  അപ്പോള്‍ "Save as' എന്ന ഡയലോഗ് ബോക്സ്‌ തുറക്കും.  അതില്‍ ചുവടെ വലതുവശത്തായി കാണുന്ന 'Save' എന്ന ബട്ടണില്‍ ക്ലിക്ക് ചെയ്യുക.  അപ്പോള്‍ ആ ഡയലോഗ് ബോക്സ്‌അപ്രത്യക്ഷമാകും.
    

 തുടര്‍ന്ന് 'Select path' എന്ന ഡയലോഗ് ബോക്സിന്‍റെ താഴെ കാണുന്ന 'Validate' എന്ന ബട്ടണില്‍ ക്ലിക്ക് ചെയ്യുക.  നാം ചേര്‍ത്ത വിവരങ്ങളെല്ലാം വേണ്ട രീതിയിലാണെങ്കില്‍ 'File Validation Successful' എന്നു രേഖപ്പെടുത്തിയ മെസ്സേജ് ബോക്സ്‌ വന്നതായി കാണാം. അതിനു താഴെയുള്ള 'OK' ക്ലിക്ക് ചെയ്യുക. 
  

 (ചേര്‍ത്ത വിവരങ്ങള്‍ തെറ്റാണെങ്കില്‍ എറര്‍ ഉണ്ടെന്നു കാണിക്കുന്ന മെസ്സേജ് ബോക്സ്‌ ആണ് വരിക.  ഈ സന്ദര്‍ഭത്തില്‍ എന്ത് ചെയ്യണമെന്ന് അവസാനം പറയാം.)
     ഇനി നമുക്ക് RPU 4.1 ക്ലോസ് ചെയ്യാം.  ഇതിനായി ടൈറ്റില്‍ ബാറില്‍ വലത്തേ അറ്റത്ത്‌ കാണുന്ന ക്ലോസ് ബട്ടണില്‍ (X) ക്ലിക്ക് ചെയ്യുക.  അപ്പോള്‍ 'Do you wish to save data before exiting the application' എന്ന ഡയലോഗ് ബോക്സ്‌ വരും.  അതില്‍ 'Yes' ക്ലിക്ക് ചെയ്യുക.  
     അപ്പോള്‍ 'Save As' എന്ന പേരോട് കൂടിയ ഒരു ഡയലോഗ് ബോക്സ്‌ തുറക്കും.  അതില്‍ ഏതാനും ഫയലുകള്‍ ഉള്ളതായി കാണാം.അതില്‍ ഏറ്റവും മുകളിലായി നാം നേരത്തെ സേവ് ചെയ്ത ഫയല്‍ ഉണ്ടായിരിക്കും.  അതില്‍ ഒരു തവണ ക്ലിക്ക് ചെയ്തു സെലക്ട്‌ ചെയ്യുക.  എന്നിട്ട് 'Save as' എന്ന ആ ഡയലോഗ് ബോക്സില്‍ കാണുന്ന 'Save' ബട്ടണ്‍ ക്ലിക്ക് ചെയ്യുക.  അപ്പോള്‍ പുതിയൊരു ഡയലോഗ് ബോക്സ്‌ തുറക്കും.  അതില്‍ 'Do you want to replace it?' എന്നതിന് ചുവടെ കാണുന്ന 'Yes' ക്ലിക്ക് ചെയ്യുക.   അപ്പോള്‍ 'File saved successfully' എന്നെഴുതിയ മെസ്സേജ് ബോക്സ്‌ തുറക്കും.  അതില്‍ 'OK' ക്ലിക്ക് ചെയ്യുക.  അതോടെ RPU 4.1 ക്ലോസ് ആവും.  ഇനി നാം തയ്യാറാക്കിയ ഫയല്‍ Tin Fecilitation Centre ല്‍ സമര്‍പ്പിക്കുന്നതിനായി കോപ്പി ചെയ്യേണ്ടതുണ്ട്.

ഫയല്‍ കോപ്പി ചെയ്യല്‍.
     ഇപ്പോള്‍ Local Disc C  യിലെ RPU 4.1 എന്ന ഫോള്‍ഡറിലുള്ള ഫയലുകള്‍ക്കൊപ്പം നാം സ്ഥാപനത്തിന്‍റെ പേരില്‍ നേരത്തെ ഉണ്ടാക്കിയ ഫോള്‍ഡര്‍ കൂടി ഉണ്ടാകും.  ഈ ഫോള്‍ഡര്‍ തുറന്ന്നോക്കിയാല്‍ അതില്‍  ഏതാനും ഫയലുകള്‍ കാണാം.  ഇതില്‍ കാണുന്ന 'FVU File' ആണ് Tin Fecilitation Centre ല്‍ നിന്ന് അപ്‌ലോഡ്‌ ചെയ്യുന്നത്.  ഈ ഫയല്‍ മാത്രമായോ അല്ലെങ്കില്‍ ഈ ഫോള്‍ഡര്‍ ഒന്നിച്ചോ കോപ്പി ചെയ്ത് സി ഡി യില്‍ പകര്‍ത്തി Tin Fecilitation Centre ല്‍  അപ്‌ലോഡ്‌ ചെയ്യുന്നതിനായി 27A ഫോറത്തോടൊപ്പം സമര്‍പ്പിക്കാവുന്നതാണ്. ഈ ഫോള്‍ഡറില്‍ Form27A എന്ന pdf ഫയല്‍ കാണാം. ഈ 27A Form ഒപ്പിട്ടു Tin Fecilitation Centreല്‍ നല്‍കണം.

 Error വന്നാല്‍ 
validate ചെയ്ത് കഴിയുമ്പോള്‍ 'Errors found during validation' എന്ന message വന്നെങ്കില്‍ അതിലുള്ള 'OK' ക്ലിക്ക് ചെയ്യുക. തുടര്‍ന്ന് RPU 4.1 ന്‍റെ ടൈറ്റില്‍ ബാറിന്‍റെ വലതുവശത്തെ minimise butten ല്‍ ക്ലിക്ക് ചെയ്ത് ആ പേജ് മിനിമൈസ് ചെയ്യുക.  എന്നിട്ട് RPU 4.1 എന്ന ഫോള്‍ഡറിലെ വിവിധ ഫയലുകള്‍ക്കിടയില്‍ നാം സ്ഥാപനത്തിന്‍റെ പേരില്‍ ഉണ്ടാക്കിയ ഫോള്‍ഡറില്‍ ഡബിള്‍ ക്ലിക്ക് ചെയ്തു ഓപ്പണ്‍ ചെയ്യുക.  അതില്‍ നമ്മുടെ browser ന്‍റെ ചിഹ്നത്തോട് കൂടി ഒരു html document കാണാം.  അത് ഡബിള്‍ ക്ലിക്ക് ചെയ്ത് തുറക്കുക.  നാം വരുത്തിയ തെറ്റ് എവിറെയാനെന്നും ഏത് കോളത്തിലാണെന്നും അത് വായിച്ചാല്‍ മനസ്സിലാകും.  
പിന്നീട് നമ്മള്‍ നേരത്തെ മിനിമൈസ് ചെയ്ത RPU 4.1 maximise ചെയ്ത് ഏത് പേജിലാണോ തെറ്റുള്ളത് അത് തിരുത്തുക. പിന്നീട് saving, validation എന്നീ ഘട്ടങ്ങള്‍ വീണ്ടും ആവര്‍ത്തിക്കുക.  സേവ് ചെയ്യുന്ന ഘട്ടത്തില്‍ നമ്മള്‍ വീണ്ടുമുണ്ടാക്കുന്ന folder ന് പേര് നല്‍കുമ്പോള്‍ സ്ഥാപനത്തിന്‍റെ പേരിനൊപ്പം '2' എന്ന് കൂടി ചേര്‍ത്ത് സേവ് ചെയ്‌താല്‍ ഫോള്‍ഡറുകള്‍ മാറിപ്പോകാതിരിക്കാന്‍ സഹായിക്കും.




THANKS  To  Sri .Sudheer Kumar T K  , Phone : 9495050552

 
antroid store
Computer Price List
 Telephone & School Code Directory
Mozilla Fiefox Download
Gurumudra Emblem
google chrome

Email Subscription

Enter your email address:

GPF PIN Finder